कांग्रेस नेता शाक्यको निधन
पाल्पा — पाल्पाका कांग्रेस नेता चकोरमान शाक्यको ७८ वर्षको उमेरमा शनिबार निधन भएको छ । तानसेन नगरपालिका–३, टक्सार निवासी शाक्यको उपचारको क्रममा काठमाडौंमा निधन भएको हो ।
शाक्यको पछिल्लो समय काठमाडौंमा क्यान्सरको उपचार भइरहेको थियो । उनको पार्थिव शरीरलाई शनिबार बेलुकीसम्म तानसेन ल्याउने र आइतबार शोक सभा गरिनेछ ।
शाक्य झण्डै तीन दशक नेपाली कांग्रेस नगर समितिको सभापति थिए । उनी पछिल्लाे समय कांग्रेसका सल्लाहकार थिए । शाक्य प्रजातन्त्र सेनानी पूर्णमान शाक्यका छोरा हुन् ।
प्रतिक्रिया
