बालिका बलात्कारको आरोपमा दाङमा एक युवक पक्राउ
दाङ — बालिकालाई बलात्कार गरेको अभियोगमा बिहीबार बेलुका तुलसीपुरमा एक जना पक्राउ परेका छन् ।
पक्राउ पर्नेमा तुलसीपुर उपमहानगरपालिका–१८, अक्कासी निवासी २१ वर्षीय पारस खड्का रहेको इलाका प्रहरी कार्यालय तुलसीपुरले जानकारी दिएको छ ।
जेठ ६ गते बेलुका तुलसीपुर १८ की १५ वर्षीया बालिकालाई खड्कालगायत तीन जनाले बलात्कार गरेको जाहेरीका आधारमा उनलाई पक्राउ गरेको इलाका प्रहरी कार्यालय तुलसीपुरका प्रवक्ता प्रहरी निरीक्षक चक्र डम्बरपालले जानकारी दिएका छन् । अन्य दुई जना फरार रहेको र उनीहरुको खोजी भइरहेको उनले बताए । घटनाबारे अन्य अनुसन्धान जारी रहेको डम्बरपालले जानकारी दिए ।
प्रकाशित : जेष्ठ ९, २०७७ ११:४०