दाङमा थप एक जनामा कोरोना संक्रमण

घोराही उपमहानगरपालिकाले सञ्चालन गरेको कुइरेपानी क्‍वारेन्टाइनमा रहेका घोराही उपमहानगरपालिका ३ का ३७ वर्षीय पुरुषमा कोरोना रिपोर्ट पोजिटिभ देखिएको राप्ती स्वास्थ्य विज्ञान प्रतिष्ठानका उपकुलपति डा. संगीता भण्डारीले जानकारी दिइन् । ती व्यक्तिको राप्ती स्वास्थ्य विज्ञान प्रतिष्ठान घोराहीमा पीसीआर परीक्षण गरिएको थियो । उनी दिल्लीबाट कृष्णनगर हुँदै जेठ ३ गते घोराही आएका थिए ।

घोराही आएपछि उनलाई सिधै क्‍वारेन्टाइनमा राखिएको थियो । योसहित दाङमा तीनजनामा कोरोना संक्रमण देखिएको छ भने दुईजना जिल्ला बाहिर रहेका दाङका व्यक्तिमा कोरोना संक्रमण देखिएको छ ।