प्यूठान — नेपाल पत्रकार महासंघ जिल्ला शाखा प्यूठानका उपाध्यक्ष बसन्ता भट्टको ४४ वर्षको उमेरमा निधन भएको छ । विगत ६ महिनादेखि स्वास्थ्य समस्याले पीडित उपाध्यक्ष भट्टको बिहीबार बिहान १० बजे घरमै निधन भएको पारिवारिक स्रोतले जनाएको छ ।
उनी सामुदायिक रेडियो महिला आवाजको अध्यक्ष एवं स्टेशनम्यानेजर समेत थिइन् । बसन्ता पत्रकार महासंघ प्यूठान शाखाका संस्थापक उपाध्यक्ष एवं कानुन व्यवसायी मेघराज भट्टको धर्मपत्नी हुन् ।