बुटवलका सडकमा कीटाणुनाशक रसायन छर्किइँदै

'उपमहानगरपालिकाले नगरभित्रका बाइपास सडकमा क्लोरिन झोल र ब्लिचिङ पाउडर मिश्रित रुपमा छर्ने काम सुरु गरेको हो,' उनले भने, 'नगरवासीलाई लकडाउनको पालना गर्न सार्वजनिक अपिल जारी गर्नुका साथै नगरभित्र रहेका ३० फुटे सबै सडकमा डिसइन्फेक्सन गराउनेछौं।'

ब्लिचिङ पाउडर र क्लोरिन झोलयुक्त विषादीले मानव स्वास्थ्यमा असर नपर्ने भन्दै विज्ञले सिफारिस गरिसकेका छन्। तीन दिनमा उपमहानगरपालिका भित्रका सबै सडकमा उक्त क्लोरिन छरिसकिने र राहत वितरणसँगै सार्वजनिक अपिल पनि गरिने प्रमुख सुवेदीले जनाए ।

उपमहानगरले दमकल प्रयोग गरेर एकपटकमा ४५ सय लिटर औषधि छर्किरहेको प्रमुख प्रशासकीय अधिकृत चक्रपाणि शर्माको भनाइ छ।