भाइको कुटाइबाट दाइको मृत्यु
दाङ — भाइको कुटाइबाट बिहीबार राजपुर गाउँपालिका–१ रसरीखोलाका ३२ वर्षीय प्रेम कामीको मृत्यु भएको छ । सहोदर भाइ २४ वर्षीय जसराम कामीको कुटपिटबाट उनको मृत्यु भएको प्रहरीले बताएको छ ।
बुधबार राति घरायसी विवादले उग्ररुप लिएपछि दाजुभाइबीच कुटाकुट भएको थियो । कुटपिटबाट गम्भीर घाइते प्रेमको बिहीबार लमही अस्पतालमा उपचारका क्रममा मृत्यु भएको इलाका प्रहरी कार्यालय गढवाका प्रमुख प्रहरी निरिक्षक भरतसिंह राठौरले बताए । कुटपिट गर्ने भाइ फरार रहेको र उनको खोजी भइरहेको उनले जानकारी दिए ।
प्रतिक्रिया