'लकडाउन'मा भैरहवाको अवस्था सामान्य

माधव ढुंगाना

(भैरहवा) — कोरोना भाइरस संक्रमणको जोखिम न्यूनिकरणकालागि लकडाउन गरिएपछि भैरहवा र सुनौली नाका क्षेत्र सामान्य छ । फाट्टफुट्ट सडकमा पैदल र मोटरसाइकलबाट यात्रा गर्ने यात्रुलाइ ट्राफिक प्रहरी र जनपथ प्रहरीले रोक लगाउँदै फिर्ता पठाइदिने गरेका छन् । अटेर गर्ने यात्रुलाई प्रहरीले नियन्त्रणमा समेत लिने गरेको छ ।

रुपन्देहीका प्रमुख जिल्ला अधिकारी महादेव पन्थले जिल्लाको अवस्था नियन्त्रणमा रहेको जानकारी दिए। सिमानामापनि भारतबाट नेपालतर्फ आउने यात्रु कोही नभएकाले कुनै तनाव नरहेको उनले बताए।

भारतमापनि लकडाउन गरिएकाले नेपाल आयल निगमको पेट्रोलियम पदार्थ लिन भारततर्फ गएका केही ट्यांकरलाई फर्काइएपछि यस बारेमा केन्द्रमा कुराकानी गरी समास्या समाधानको पहल भैरहेको उनले जनाए। रुपन्देहीको भलवारीस्थित निगमको क्षेत्रिय कार्यालयकालागि पेट्रोलियम पदार्थ लिन भारतको बैतालपुरतर्फ गएका ३५ वटा ट्याकंरलाई गोरखपुर नजिकको फरेन्दा भन्ने स्थानबाट भारतीय सुरक्षाकर्मीले फर्काइदिएका थिए।

तर भारतबाट ग्यास, खाद्यान्न, फलफुल लगायतका सामाग्री भने सामान्य अवस्थामा जस्तै पैठारी भैरहेको छ। लकडाउनका कारण सुनौली नाकामा नेपालबाट भारततर्फ जाने असामान्य अवस्थाका यात्रु बाहेक सबैलाई भारतीय सुरक्षाकर्मीले रोक लगाएका छन्।


प्रकाशित : चैत्र ११, २०७६ १४:०३

प्रतिक्रिया
पठाउनुहोस्
ADVERTISEMENT

कोरोना रोकथाम कोषमा धितोपत्र बोर्डको ५० लाख योगदान

कान्तिपुर संवाददाता

काठमाडौँ — सरकारले स्थापना गरेको ‘कोरोना संक्रमण रोकथाम तथा नियन्त्रण कोष’मा नेपाल धितोपत्र बोर्डले ५० लाख सहयोग योगदान गर्ने घोषणा गरेको छ । 

मन्त्रिपरिषद्को आइतबार बसेको बैठकले कोषमा सरकारका तर्फबाट ५० करोड रुपैयाँ राख्ने र अन्यलाई सहयोग गर्न आह्वान गरेको थियो। लगत्तै अन्यले पनि कोषलाई सहयोग गर्ने घोषणा गर्न थालेका हुन्। यसैक्रममा धितोपत्र बोर्डले नगद ५० लाख रुपैयाँको योगदान गर्ने घोषणा गरेको हो।

बोर्डका प्रवक्ता निरज गिरीले विज्ञप्ति जारी गर्दै सरकारले चालेको रोग नियन्त्रणको अभियानमा आ–आफनो तर्फबाट समेत सहयोग पुर्‍याउन पूँजीबजारका सबै सहभागीहरु नेप्से, सिडिएसी, क्रेडिट रेटिङ्ग संस्थाहरु, मर्चेन्ट बैंकरहरु, धितोपत्र दलाल व्यवसायीहरु, आस्वा सदस्यहरु तथा सूचीकृत कम्पनीहरु लगायतका संस्थाहरुलाई सहयोग गर्न अपिल समेत गरेका छन्।

प्रकाशित : चैत्र ११, २०७६ १३:५६
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×