१५ दिनको तलब राहतकोषमा 

सन्जु पौडेल

(तिलोत्तमा) — कांग्रेस प्रदेश ५ संसदीय दलले १५ दिनको तलब कोरोना राहत कोषमा जम्मा गर्ने निर्णय गरेको छ । 'मंगलबार बसेको दलको बैठकले कांग्रसका सबै प्रदेशसभा सदस्यबाट रकम जम्मा गर्ने निर्णय गरेका हौं', सचेतक निर्मला क्षेत्रीले भनिन्, '१९ सदस्य छौं, सबैको तलब जम्मा हुन्छ ।'विपदका बेला पार्टी समन्वय र सहकार्यमा तत्पर रहेको उनले जनाइन् । 

सरकारले लकडाउनको सूचना जारी गरेपछि पनि अटेर गरेर सडकमा यात्रा नगर्न र हरेक नागरिक आफै सचेत रहनसमेत कांग्रसले सुझाएको छ ।


प्रकाशित : चैत्र ११, २०७६ १३:१६

प्रतिक्रिया
पठाउनुहोस्

घर फर्किँदै गरेका नेपाली दिनभर सीमामा अलपत्र

भवानी भट्ट

कञ्चनपुर — भारतबाट घर फर्किन लागेका ७५ जनाभन्दा बढी नेपालीहरु गड्डाचौकीको सीमा क्षेत्रमै अलपत्र परेका छन् । विभिन्न क्षेत्रबाट मजदुरी गरेर र सीमावर्ती बजारमा उपचार गराएर फर्किनेहरु सीमामा अलपत्र परेका हुन् ।

मंगलबार बिहानैदेखि उनीहरु नाकामा रोकिएका हुन् । सशस्त्र प्रहरीको राजश्व तथा भन्सार सुरक्षा गुल्म गड्डाचौकीका डिएसपी केशव प्याकुरेलका अनुसार बिरामी र तिनका कुरुवा गरी ३९ जना र काम गरेर फर्किन लागेका १७ जना नाकामै रोकिएका हुन् ।


यसैगरी भारततर्फ पनि ४०/५० जना रोकिएका छन् । ‘दिनभरि रोकिएर बसेकाहरुलाई चाउचाउ र बिस्कुट दिएका छौं’ डिएसपी प्याकुरेलले भने, ‘नाकाबाट भित्रिने दिने कुनै निर्देशन आएको छैन ।’ सोमबार पनि भारतबाट आएका ३ सय बढीलाई दिनभरि नाकामै रोकेर साँझमात्रै छाडिएको थियो ।

प्रकाशित : चैत्र ११, २०७६ १३:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×