रातिदेखि अर्घाखाँची 'लकडाउन'- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

रातिदेखि अर्घाखाँची 'लकडाउन'

वीरेन्द्र केसी

अर्घाखाँची — कोरोना संक्रमण सतर्कता अपनाउन अर्घाखाँची जिल्लालाई सोमबार रातिदेखि 'लकडाउन' गरिने भएको छ ।

प्रमुख जिल्ला अधिकारी विजयराज पौडेलको अध्यक्षतामा बसेको सर्वदलीय, सर्वपक्षीय बैठकले जिल्लामा प्रवेश गर्ने मालबाहक गाडीबाहेक अन्य निजी सार्वजनिक, भाडाका सवारीसाधन र मोटरसाइकल पनि रातिदेखि अर्को सूचना नभएसम्मका लागि पूर्णरुपमा आवतजावतमा प्रतिबन्ध लगाइएको छ।

मालबाहक सवारी साधनलाई भने प्रतिबन्ध लगाइएको छैन । मालबाहक गाडीमा चालक र सहचालकमात्रै बस्न पाउनेछन् । चालक र सहयोगीलाई चेकजाँच गरी आवश्यक परेमा क्‍वारेन्टाइनमा राख्ने निर्णय भएको सहायक प्रमुख जिल्ला अधिकारी विष्णुराज बेल्वासेले बताए ।


बैठकमा राष्ट्रियसभा सदस्य चन्द्रबहादुर खड्का, प्रदेशसभा सदस्य चेतनारायण आचार्य, कांग्रेस जिल्ला सभापति विष्णु मुस्कानलगायत दलका नेता, उद्योगी, व्यावसायी, यातायात, निर्माण व्यावयासी, सञ्‍चारकर्मीलगायत सरोकारवाला उपस्थिति रहेको थियो ।


औषधि र पेट्रोलपम्प २४ सौं घण्टा खुला रहनेछन् । खाद्यान्‍न, ग्यास, तेल, फलफुल पसल प्रत्येक बिहान १० देखि २ बजेसम्म मात्रै खुला हुनेछन् । दुधडेरी, सागसब्जी बिहान ६ देखि ९ र बेलुका ४ देखि ७ बजेसम्म सञ्‍चालन हुनेछन् । ठेलागाडी, आइसक्रिम, निर्माणको काम पूरै प्रतिबन्ध लगाइएको छ ।


भारत र स्वदेशका अन्य ठाउँबाट आउनेलाई गाउँमा घरपरिवारसँगै नबसी १४ दिनसम्म घरकै क्‍वारेन्टाइनमा बस्‍न अनुरोध गरिएको छ । जिल्लाका ६ वटै पालिकाका जनप्रतिनिधिले सचेतना अभियान सञ्चालन गरेका छन् । मालारानी र पाणिनी गाउँपालिकाले आफ्ना पालिकाभरी माइकिङ गरेका छन् । मालारानीले मदिरा बिक्री वितरण र सेवनमा रोक लगाएको पालिका अध्यक्ष बालकृष्ण आचार्यले बताए ।

प्रकाशित : चैत्र १०, २०७६ १२:५६
प्रतिक्रिया
पठाउनुहोस्

फ्रान्सबाट आएकी एक युवतीलाई कोरोना पोजिटिभ : मन्त्री ढकाल

स्वरूप आचार्य

काठमाडौँ — फ्रान्सबाट कतार हुँदै आएकी एकजना नेपाली नागरिकमा कोरोना भाइरस (कोभिड–१९) पोजिटिभ देखिएको छ । चैत ४ गते नेपाल आएकी एक युवतीको रिपोर्ट हिजो आएको स्वास्थ्य तथा जनसंख्या मन्त्री भानुभक्त ढकालले सोमबार विशेष पत्रकार सम्मेलन गर्दै जानकारी दिए । 

उताबाट आएपछि उनी आफै होम क्वारेन्टाइनमा बसेको र रुघाखोकी लागेपछि स्वाब परीक्षण गर्दा आइतबार कोभिड–१९ को संक्रमण देखिएको मन्त्री ढकालले जानकारी दिए । 'बिरामी महिला हुनुहुन्छ। अहिले उहाँको परिचय यति मात्र दिउँ,' मन्त्री ढकालले भने, 'ती महिलाको परिवारसहित सम्पर्कमा रहेका सबैलाई होम क्वारेन्टाइनमा राखिएको छ।'

उनको परिवारका सबै सदस्य र उनीसँग भेटघाट गरेका सबैलाई होम क्वारेन्टाइनमा राखिएको पनि मन्त्री ढकालले जानकारी दिए । उनी होम क्वारेन्टाइनमा रहँदा उनले भेटेका सबैलाई क्वारेन्टाइनमा राखेर स्वास्थ्य परीक्षण गरिने पनि मन्त्री ढकालले जानकारी दिए । संक्रमितत व्यक्ति १९ वर्षीया युवती रहेको र उपचारका लागि अस्पताल लगिएको पनि उनले बताए ।

युवतीसँगै विमानमा को-को आएका थिए भन्नेबारे ट्रयाक गरिने पनि मन्त्रीले जानकारी दिएका छन् ।

पत्रकार सम्मेलनमा जानकारी दिँदै स्वास्थ्य मन्त्रालयका प्रवक्ता

प्रकाशित : चैत्र १०, २०७६ १२:४१
पूरा पढ्नुहोस्
प्रतिक्रिया
पठाउनुहोस्
×