मोटरसाइकल दुर्घटनामा एकको मृत्यु
दाङ — दाङको बागरखोलामा बिहीबार राति भएको मोटरसाइकल दुर्घटनामा एक युवकको ज्यान गएको छ । तुलसीपुरबाट पश्चिमतर्फ गइरहेको रा४प १२७० नम्बरको मोटरसाइकल दंगीशरण गाउँपालिका–५ बागरखोलामा दुर्घटना हुँदा तुलसीपुर उपमहानगरपालिका–८ अश्वाराका १९ वर्षीय गौरव डाँगीको मृत्यु भएको इलाका प्रहरी कार्यालय तुलसीपुरले जानकारी दिएको छ ।
दुर्घटनामा गम्भीर घाइते डाँगीको राप्ती प्रादेशिक अस्पताल तुलसीपुरमा प्रारम्भिक उपचारपछि थप उपचारका लागि नेपालगञ्ज लैजाँदै गर्दा बाटोमा मृत्यु भएको प्रहरीले बताएको छ । तीव्र गतिमा रहेका कारण मोटरसाइकल अनियन्त्रित भई दुर्घटना भएको प्रहरीको भनाइ छ ।
प्रतिक्रिया
