राममणी क्याम्पसका ४ जना सञ्चालकले दिए सामूहिक राजीनामा

अध्यक्षले एकलौटी गर्न खोजेको आरोप
सन्जु पौडेल

तिलोत्तमा — क्याम्पस सञ्चालनमा एकलौटी ढंगले अघि बढ्न खोजेको भन्दै राममणी बहुमुखी क्याम्पस मणिग्रामका चारजना सञ्चालक समिति सदस्यले बिहीबार सामूहिक राजीनामा दिएका छन् । 

योग्यता, क्षमता र सामाजिक ण्व्यक्तिको सट्टा क्याम्पस सञ्चालक समिति बनाउादा राजनीतिकरण गर्न खोजेको, सहमति विपरित वरिष्ठ प्राध्यापकलाई उपेक्षा गरी जुनियरलाई क्याम्पस प्रमुख बनाइएको र अन्य प्रशासनिक काम कारबाही पनि एकलौटी ढंगले चलाउन खोजेको भन्दै उनीहरुले सामूहिक राजीनामा दिएका हुन् ।


यसरी सामूहिक राजीनामा दिने सञ्चालकहरुमा गोपाल भट्टराई, यज्ञ गैरे, नारायण रेग्मी र मिनाक्षी न्यौपाने छन् । उनीहरुले क्याम्पस परिसरमै बिहीबार पत्रकार सम्मेलनमार्फत राजीनामाको घोषणा गरेका हुन् ।


मंसिर ७ गतेको क्याम्पस सभाले रोमणीप्रसाद पाठकलाई सञ्चालक समितिको अध्यक्ष चुनेको थियो । पूर्व सहमति अनुसार पाठकलाई सञ्चालक समिति अध्यक्ष बनाइएको तर अध्यक्ष बनिसकेपछि सहमति विपरित अघि बढेकाले राजीनामा दिएको गोपाल भट्टराईले बताए । अध्यक्ष पाठकले नेपाली कांग्रेस र नेकपाको कोटाबाट चार–चार जना सदस्य मनोनित गरेका थिए ।


राजीनामा दिएका सञ्चालक समिति सदस्य भट्टराईले क्याम्पस प्रमुख मोहन शर्माले राजीनामा दिएपछि वरिष्ठताका आधारमा डा. खगराज शर्मालाई क्याम्पस प्रमुख बनाउनुपर्नेमा ताराप्रसाद पराजुलीलाई बनाएर राजनीतिक रंग दिन खोजेको बताए । ‘हामी पार्टीगत भन्दा पनि सामाजिक रुपमा क्याम्पसलाई अघि बढाउनुपर्छ भन्यौं, तर अध्यक्ष राजनीतिक ढंगले अघि बढ्न खोज्दा राजीनामा दिन बाध्य भयौं ।’, उनले भने ।


क्याम्पसका हरेक निर्णय विधि र प्रक्रिया अनुसार गर्नुपर्नेमा अध्यक्ष एकलौटी ढंगले अघि बढ्न खोज्दा समस्या आएको राजीनामा दिएका अर्का सञ्चालक सदस्य यज्ञ गैरेले बताए । सञ्चालक समिति गठनमा एक पक्षलाई बेवास्ता गर्दै अघि बढ्न खोजिएको भन्दै उनले क्याम्पसलाई राजनीतिबाट मुक्त गर्नुपर्ने बताए ।


पत्रकार सम्मेलनमा अर्का सञ्चालक नारायण रेग्मीले क्याम्पसलाई अहिलेको अवस्थासम्म ल्याइ पुर्‍याउन आफूहरुले पनि ठूलो योगदान पुर्‍याएको भन्दै शैक्षिक केन्द्रमा राजनीतिक रंग दिन नहुने बताए ।


तर क्याम्पस सञ्चालक समितिका अध्यक्ष पाठकले भने सहमतिका लागि पटकपटक छलफलमा बोलाउँदा नआएकाले सञ्चालक समिति गठन गरिएको र क्याम्पस प्रमुख नियुक्तिमा सिनियर र जुनियर भन्ने नहुने बताए । ‘पटकपटक छलफलमा बोलाउँदा उहाँहरु आउनुभएन, लामो समय सञ्चालक समिति सदस्य मनोनयन नगरी बस्ने कुरा भएन ।’, उनले भने, ‘क्याम्पस प्रमुख नियुक्तीमा सिनियर र जुनियर भन्ने कुनै नियम छैन, आवश्यकता अनुसार जसलाई पनि बनाउन सकिन्छ ।’ प्रकाशित : फाल्गुन ८, २०७६ १७:५८

प्रतिक्रिया
पठाउनुहोस्
ADVERTISEMENT
ADVERTISEMENT

सञ्चामन्त्रीलाई भेट्ने कुनै योजना थिएन र छैन : स्वीस दूतावास

कान्तिपुर संवाददाता

काठमाडौँ — स्वीस दूतावासले निर्वतमान सञ्चारमन्त्री गोकुल बाँस्कोटासँग सेक्युरिटी प्रेसका बारे कुरा गर्न कुनै भेटवार्ता नभएको बताएको छ । बुधबार सेक्युरिटी प्रेस मेसिन खरिद गर्न स्वीस कम्पनीसँग ७० करोड कमिसन माग गरेको अडियो सार्वजनिक भएपछि मन्त्री बाँस्कोटाले राजनीमा दिइसकेका छन् । 

सार्वजनिक भएको अडियोमा आफूलाई स्वीस कम्पनीका एजेन्ट बताउने विजयप्रकाश मिश्रले 'स्वीस एम्बेसीसँग पनि भेट गराउने र राजदूतले पनि कुरा गर्न चाहेको' जस्ता संवाद मन्त्री बाँस्कोटासँग गरेको सुनिन्छ । सोही अडियोलाई लिएर समाचारहरु प्रकाशित भएपछि काठमाडौंस्थित स्वीस दूतावासले प्रेस विज्ञप्ती प्रकाशन गरेर त्यसको खण्डन गरेको छ ।
विज्ञप्तिमा दूतावासले सञ्चारमाध्यमहरुमा उल्लेख भएजस्तो स्वीस कम्पनीका कुनै प्रतिनिधिले समाचारमा उल्लेख भएका व्यक्तिसँग नभेटेको स्पष्ट पारेको छ ।

विज्ञप्तिमा भनिएको छ, 'दूतावासको आग्रहमा सञ्चार तथा सूचना प्रविधिमन्त्रीसँग कसैले पनि भेट गरेको छैन।'

प्रेस विज्ञप्ती :



प्रकाशित : फाल्गुन ८, २०७६ १७:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×