बलात्कारकाे आरोपमा तीन पक्राउ

कान्तिपुर संवाददाता

रुपन्देही — रुपन्देहीको सम्मरीमाई – ३ की १६ वर्षीय किशोरीलाई बलात्कार गरेको अभियोगमा ३ जना पक्राउ परेका छन् । पीडितले दिएको जाहेरीको आधारमा पक्राउ गरिएको ईलाका प्रहरी कार्यालय मर्चवारका प्रहरी निरीक्षक चित्रबहादुर घलेले बताए । 


गाउँमा सञ्चालन भइरहेको महायज्ञमा ३ युवाले किशोरीको घर नजिक निर्माणाधिन घरको कोठामा लगि सामूहिक बलात्कार गरेको पीडित किशोरीले बताएको प्रहरीले जनाएको छ । घरमा बुबाआमा नभएका बेला झुक्काएर घर बाहिर बोलाइ बलात्कार गरेको परिवार श्रोतले बतायो ।


यस विषयमा आरोपित तीन युवा तथा किशोरीको मेडिकल परिक्षणको लागि भैरहवास्थित भीम अस्पताल पठाइएको प्रहरी निरीक्षक चित्रबहादुर घलेले बताए । पीडितलाई नियन्त्रणमा लिइ थप अनुसन्धान भइरहेको छ ।


प्रकाशित : फाल्गुन ५, २०७६ १८:१६

ADVERTISEMENT
प्रतिक्रिया
पठाउनुहोस्
ADVERTISEMENT

मौलापुरस्थित पतौरामा मधानी महायज्ञ सुरु

राष्ट्रपति भण्डारी सहभागी हुन रौतहट आउँदै
शिव पुरी

रौतहट — पर्यटन प्रवर्द्धन गर्ने उद्देश्यले रौतहटको मौलापुरस्थित पतौरामा मधानी महायज्ञ सुरु भएको छ । मौलापुर–५ पतौरामा सुरु भएको महायज्ञको एक समारोहबीच राष्ट्रपति विद्यादेवी भण्डारीबाट मंगलबार विशेषपूजा हुने भएको छ । 


पुरातात्विक महादेव मन्दिरको प्रांगणमा मधानी महायज्ञ आयोजना गरिएको हो।यो मन्दिर परिसरमा एकहजार वर्ष पुरानो दरबारको अवशेष फेला परेको छ। मौलापुरमा उत्खनन्‌को क्रममा भेटिएको शिव मन्दिरको बेलायती विज्ञहरुको एक टोलीले जाँच गरेको थियो। त्यही क्रममा दरबारका भग्नावशेष फेला पारेको थियो।

महायज्ञमा राष्ट्रपति भण्डारी सहभागी भइ पूजाआजा गर्ने आयोजक मौलापुर नगरपालिकाका प्रमुख प्रशासकीय अधिकृत शिकन्दर साहले बताए। पशुपतिनाथ मन्दिरका मूल भट्टद्वारा मन्त्रोचारण गराइ राष्ट्रपति भण्डारीले पूजा गर्ने कार्यक्रम रहेको छ। महायज्ञमा शिवलिला प्रदर्शन, नेपाली कलाकारहरुको सांस्कृतिक प्रस्तुति गरिने छ।

भ्रमण वर्ष २०२०लाई सहयोग पुग्‍ने हेतुले आयोजना गरिएको उक्त महायज्ञमा आयोजक मौलापुर नगरपालिकाले यस अवसरमा कम्तीमा पनि ३ लाख भारतीय पर्यटक भित्र्याउने लक्ष्य लिएको बताएको छ।ऐतिहासिक, धार्मिक तथा सांस्कृतिक महत्व झल्किने किसिमले महायज्ञ परिसरमा मधानी मेला समेत लागेको छ। मधानी महायज्ञ तथा मेलामा नेपाल, भारतका चर्चित कलाकारहरुको जमघट हुने आयोजकले जनाएको छ।

शिवरात्रीको दिनसम्म चल्ने महायज्ञमा नेपाल र भारतका गरेर ५ लाख भन्दा बढी श्रद्धालु भक्तजन आउने अनुमान गरिएको छ। प्रतिनिधिसभा सदस्य प्रभु साहले महायज्ञले यसक्षेत्रको विकास र पर्यटन प्रर्वद्धनमा महत्वपूर्ण भूमिका खेल्ने बताए। उलने महायज्ञबाट मधानी उत्सवबारे धेरैलाई जानकारी हुने पनि बताए।

प्रकाशित : फाल्गुन ५, २०७६ १७:०२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×