कान्तिपुर वेबसाईट
AdvertisementAdvertisement

एकतामाथि कुनै दुविधा छैन : दाहाल

मधु शाही, रुपा गहतराज

बांके — नेपाल कम्युनिस्ट पार्टी(नेकपा)का अध्यक्ष पुष्पकमल दाहालले पार्टीका कार्यकतामाथि देखिएको दुविधा हटाउन प्रशिक्षण आवश्यक रहेको बताएका छन् । आइतबार कोहलपुरको अन्तर्राष्ट्रिय क्रिकेट मैदानमा आयोजित प्रशिक्षण कार्यक्रममा बोल्दै दाहालले लामो समयदेखि पार्टी एकताको विषयमा कार्यकता र नेतृत्व तहबीच छलफल नभएको हुँदा दुविधा उत्पन्न हुनु स्वाभाविक भएको बताए ।

‘यसैका लागि प्रशिक्षण गरिएको हो’, उनले भने, ‘ढुक्क हुनुस् एकतामा कुनै दुविधा छैन।’


पार्टीको निर्णय अनुसार दुवै अध्यक्ष प्रशिक्षणमा सहभागी हुने थियो। तर, कार्य व्यस्तता र स्वास्थ्यस्थितिका कारण प्रधानमन्त्री एवं पार्टी अध्यक्ष ओलीको उपस्थिति हुन नसकेको उनले जानकारी गराए। तर, यसको अर्थ दुवैमा वेमेल छ भन्ने होइन भन्दै प्रष्टिकरण पनि दिएका थिए। ‘हामी दुवै अध्यक्षले प्रशिक्षण दिने निर्णय गरेका थियौं’, उनले भने, ‘अरु प्रदेशमा सँगै हुन सक्छौं।’ पार्टी सुधार र पार्टी विस्तार नै प्रशिक्षणको मुख्य ऐजेन्डा रहेको उनले बताए।


नेपाल कम्युनिस्ट पार्टीको एकतापछि पहिलो पटक प्रदेश स्तरीय प्रशिक्षण कार्यक्रम सुरु गरेको छ। बाँकेको कोहलपुर नगरपालिकास्थित अन्तराष्ट्रिय क्रिकेट मैदानमा गरिएको प्रशिक्षण कार्यक्रममा स्थानीय कमिटी सदस्य, केन्द्रीय नेतृत्व, प्रदेश ५ का सम्पूर्ण जिल्ला र नगर कमिटीका कार्यकतासमेत उपस्थित थिए।

तस्बिर : मधु शाही


कार्यक्रममा कम्युनिस्ट पार्टीका अध्यक्ष पुष्पकमल दाहाल मुख्य प्रशिक्षक थिए। त्यस्तै, पार्टीका महासचिव विष्णु पौडेल, सचिवालय सदस्य रामबहादुर ‘बादल’, प्रदेश ५ का इन्चार्ज एवं मुख्यमन्त्री शंकर पोखरेल लगायतले बोलेका थिए।

शंकर पोखरेलले प्रशिक्षण कार्यक्रममा पार्टी एकता भनेको चुनाव जित्नका लागि मात्रै होइन समाज बदल्ने दृष्टिकोण तयार गर्नका लागि पनि रहेको बताए।


प्रशिक्षणको मुख्य उदेश्य नै पार्टीमा एकलय सिर्जना गरेरअघि बढ्नु रहेको उनकाे धारणा थियाे। केन्द्रीय बैठकको निर्णय अनुसार फागुन ४ देखि प्रशिक्षणको तयारी सुरु भएको हाे।


नेपाल कम्युनिष्ट पार्टी (नेकपा) प्रदेश ५ को आयोजनामा दुई दिने प्रशिक्षण कार्यक्रम रहने छ। प्रकाशित : फाल्गुन ४, २०७६ २१:०९

ADVERTISEMENT
प्रतिक्रिया
पठाउनुहोस्

पौडेलका हत्या आरोपित प्रहरी फिर्ता

कान्तिपुर संवाददाता

काठमाडौँ — प्रहरी प्रधान कार्यालयले नेत्रविक्रम चन्द समूहका सर्लाही इन्चार्ज कुमार पौडेलका हत्या आरोपी तीन प्रहरीलाई फिर्ता बोलाएको छ । मुठभेडका नाममा पौडेललाई पक्राउ गरेर मारेको आरोप लागेका प्रहरी निरीक्षक कृष्णदेव (केडी) साह तथा हवल्दारद्वय श्रीविनोद साह र सत्यनारायण मिश्रलाई प्रहरी प्रधान कार्यालयमै फिर्ता गरिएको हो ।

उनीहरूसँगै २ नम्बरमा घुमुवाका रूपमा खटिएका अन्य पाँच जनालाई पनि फिर्ता बोलाइएको प्रहरी स्रोतले जानकारी दियो । संघीय प्रहरी इकाई कार्यालय धनुषाले उनीहरूसँग भएका पेस्तोललगायतका हतियार पनि फिर्ता लिएको छ ।

तत्कालीन आईजीपी सर्वेन्द्र खनालले विशेष ब्युरोमा काज दरबन्दी कायम गरेर उनीहरूलाई प्रदेश २ अन्तर्गतका आठवटा जिल्लामा खटाएका थिए । उनीहरूबाटै गत असार ५ मा चन्द समूहका सर्लाही इन्चार्ज पौडेल सर्लाहीमै मारिएका थिए ।

दोहोरो मुठभेडमा पौडेल मारिएको दाबी गरिए पनि राष्ट्रिय मानवअधिकार आयोगले गत मंसिर ३ मा अनुसन्धान प्रतिवेदन सार्वजनिक गर्दै घटना मुठभेडबाट नभई हत्या गरिएको जनाएको थियो ।

‘माघ २९ गते नै केडी साहसहित आठ जना घुमुवा टोलीलाई प्रदेश २ बाट फिर्ता बोलाइएको छ,’ प्रहरी स्रोतले भन्यो, ‘जुन आरोप लागेको छ, त्यस्ता प्रहरीलाई कार्यक्षेत्रमै राखिँदा राम्रो सन्देश नजाने देखेर फिर्ता गरेका हौं ।’

यो पनि पढ्नुहोस्ः

प्रकाशित : फाल्गुन ४, २०७६ २०:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×