मानव बेचबिखनको आरोपमा दुई पक्राउ
बर्दिया — ‘विवाह गर्छु’ भन्दै एक युवतीलाई भारतमा बेच्न लैजाने २ जनालाई प्रहरीले पक्राउ गरेको छ ।
१७ वर्षीया युवतीलाई ललाइफकाइ भारत लैजान खोज्ने मधुवन–३ ओराली बजार खातागाउँ घर भएका २१ वर्षीय राहुल बुढा क्षेत्री र मधुवन–३ विपतपुरगाउँका ६० वर्षीया सुलचना पाण्डेलाई धनौरा नाकाबाट पक्राउ गरिएको प्रहरी उपरीक्षक राजेशनाथ बास्तोलाले बताए । युवतीको उद्धार गरी परिवारको जिम्मा लगाएको प्रहरीले जानकारी दिएको छ ।
पक्राउ पर्नेविरुद्ध मानव बेचबिखन तथा ओसारपसार मुद्दा दर्ता गरिएको प्रहरी उपरीक्षक बास्तोलाले जनाए ।
प्रकाशित : फाल्गुन ३, २०७६ १०:१५प्रतिक्रिया