चक्कु प्रहार गरी बुहारीको हत्या
दाङ — गढवा गाउँपालिका ४ रामनगरका एक वृद्धले बुहारीको हत्या गरेका छन् । ६५ वर्षीय कुलमान कुँवरले आफ्नी २७ वर्षीया बुहारी वसन्ता कुँवरको हत्या गरेका हुन् ।
घरायसी विवादका कारण बुधबार राति वृद्धले बुहारीको पेट, ढाड र छातीमा चक्कु प्रहार गरी हत्या गरेको जिल्ला प्रहरी प्रवक्ता डीएसपी सुमित खड्काले बताए ।
चक्कु प्रहारबाट गम्भीर घाइते भएकी कुँवरको उपचारका क्रममा राति कोहलपुर मेडिकल कलेज बाँकेमा मृत्यु भएको उनले जानकारी दिए ।
वृद्धलाई नियन्त्रणमा लिएर अनुसन्धान गरिरहेको डीएसपी खड्काले बताए ।
प्रकाशित : माघ ९, २०७६ १८:३४प्रतिक्रिया
