चुनढुंगा खानीमा राखिएकाे सकेट बम सेनाद्वारा डिस्पोज [अपडेट] 

माधव अर्याल

पाल्पा — जिल्लाको रैनादेवी छहरा गाउँपालिका–१, सिद्देश्वरस्थित सर्वोत्तम सिमेन्टको चुनढुंगा खानीस्थलमा भेटिएका सकेट बम नेपाली सेनाको बम डिस्पोजल टोलीले मंगलबार दिउँसो डिस्पोज गरेको छ । खानीस्थलमै रहेको स्काभेटरमा खतरा लेखेर राखेको मंगलबार बिहान देखिएपछि खानी संचालक र स्थानीय बासिन्दाले प्रहरीलाई खबर गरेका थिए । 

बम राखेको आशंकामा प्रहरीले नेपाली सेनालाई खबर गरेको हो । सेनाको बम डिस्पोजल टोली पुगेर हेर्दा दुईवटा सकेट बम रहेको भेटिएको थियो ।


सहसेनानी महेश ज्ञवालीका अनुसार दुवै सकेट बमलाई सुरक्षित रुपमा बाहिर निकालेर डिस्पोज गरिएको छ । ‘पहिला हेर्दा शंकास्पद वस्तु देखिएको थियो,’ उनले भने, ‘त्यसलाई खोजी गर्दै जाँदा दुईवटा सकेट बम भेटियो ।’ प्राकृतिक स्रोत साधन दोहन गरेको गरेको आरोपमा नेत्रविक्रम चन्द समूहको जिल्ला जनपरिषद् पाल्पाले सर्वोत्तम मिनरल्सको चुनढुंगा खानीमा रहेको स्काभेटरमा बम राखेको पर्चामार्फत् जनाएको छ ।


चुनढुंगा खानीको माथिल्ला भागको एउटा स्काभेटरमा खतरा लेखेर टाँसिएको थियो । वडाध्यक्ष सोमबहादुर दर्लामीका अनुसार खतरा लेखेको देखिएपछि बिहानैदेखि माथिल्लो भागमा खानी उत्खनन् रोकिएको थियो । तल्लो भेगमा भने काम रोकिएको छैन । सर्वोत्त्तम सिमेन्टका प्रतिनिनि कालुराम दर्लामीले तल्लो भागमा खानी उत्खनन् नरोकिएको बताए । उनले ५० बढी ट्रिपरले चुनढुंगा निकासी गरिरहेको बताए ।


खतरा लेखिएको स्थानमा फालिएको पर्चामा स्थानीय जनता र व्यवसायीको भावना विपरित खानी उद्योगले काम गरेको, जनसत्तामा दर्ता नगरी खानी सञ्चालन गरेको र प्राकृतिक स्रोत र साधनको दोहन गरेको उल्लेख गरिएको छ । सिद्देश्वरको खानीस्थल सदरमुकाम तानसेनबाट ४५ किलोमिटर पश्चिममा पर्छ । स्थानीय बासिन्दाले पानीको मुहान पुरिएको, धुलोधुँवाले हैरानी पारेको भन्दै पटकपटक खानी सञ्चालक समक्ष विरोध गर्दै आएका थिए ।

प्रकाशित : पुस २९, २०७६ १५:२१
ADVERTISEMENT
प्रतिक्रिया
पठाउनुहोस्
ADVERTISEMENT

'जोकर' फिनिक्सलाई क्रिटिक्स च्वाइस

एजेन्सी

काठमाडौँ — ओस्कर अवार्डको मनोनयन सार्वजनिक भएकै दिन वितरण गरिएको क्रिटिक्स च्वाइस अवार्डमा क्विन्टन टेरन्टिनोको फिल्म 'वन्स अपन अ टाइम इन हलिउड' उत्कृष्ट घोषित भएको छ । सन् १९६९ आसपासको हलिउडमाथिको यो फिल्मले उत्कृष्ट फिल्मका साथै पटकथा (क्विन्टन), सहअभिनेता ब्रड पिट र प्रोडक्सन डिजाइनको अवार्ड पायो ।

ओस्कारभन्दा पहिले हुने क्रिटिक्स च्वाइसबाटै ओस्करको अनुमान लगाउने गरिन्छ । यस कारण पनि समीक्षकहरुको यो अवार्डको चर्चा निकै हुनेगर्छ ।

उत्कृष्ट अभिनेताको अवार्ड भने 'जोकर'का वाकिन फिनिक्सले हात पारे । हालै भएको गोल्डन ग्लोबमा पनि फिनिक्सले नै अवार्ड पाएका थिए । यसबाट ओस्करमा पनि फिनिक्सको संभावना बढेको बताइन्छ । अभिनेत्रीमा पनि गोल्डन ग्लोब जितेकै रेनी जेल्वेगरले 'जुडी'बाट अवार्ड पाइन् ।

अवार्डमा '१९१७'बाट साम मेन्डिस र 'प्यारासाइट'बाट बोङ जो हु उत्कृष्ट निर्देशक घोषित भए । सहअभिनेत्रीमा 'म्यारिज स्टोरी' कि लाउरा ड्रेनले बाजी मारिन् । मार्टिन स्कोरसेजीको चर्चित नेटफ्लिक्स ड्रामा 'दी आइरिसम्यान' ले इन्सेम्बल्ड कास्टको अवार्डमै चित्त बुझाउनु पर्‍यो ।

'१९१७' सिनेम्याटोग्राफी र सम्पादनमा उत्कृष्ट घोषित भयो भने मार्वलको 'एभेन्जर्स: इन्ड गेम' ले भिजुअल इफेक्ट्स र एक्सन फिल्मको अवार्ड पायो । कमेडीमा 'डोलेमाइट इज माइ नेम' तथा साइन्स फिक्सन वा हररमा 'अस' उत्कृष्ट भए । 'जोकर'ले पार्श्व संगीतमा बाजी मार्दा कोरियाको 'प्यारासाइट'ले विदेशी भाषाको फिल्मको अवार्ड पायो।

प्रकाशित : पुस २९, २०७६ १४:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×