१७ किलो चरेससहित दुई पक्राउ

कमल पन्थी

(बर्दिया) — प्रहरीले १७ किलो चरेससहित दुई जनालाई मंगलवार बिहान पक्राउ गरेको छ । बर्दिया बढैयाताल गाउँपालिका—२ फुटाहामा शंकास्पद अवस्थामा भारततर्फ जाँदै गरेका रोल्पाको रोल्पा नगरपालिका —२ कार्चावाङका २३ वर्षीय सजिन विक र  २४ वर्षीया निर्मला बुढामगरलाई चरेससहित पक्राउ गरेको हो ।

ZenTravel

जमुनी प्रहरी चौकीका इञ्चार्ज सई (प्रहरी नायव निरीक्षक) धनबहादुर केसीको कमाण्डमा खटिएको टोलीले शंका लागि जाँच गर्दा चरेस १७ किलो, भारतीय रुपैयाँ (भारु) ५ हजार र दुई थान मोबाइल सेट बरामद गरेको जनाएको छ । उनीहरुलाई बरामद सामानसहित जिल्ला प्रहरी कार्यालयले मंगलबार सार्वजनिक गरेको छ ।

Meroghar

दाङबाट बर्दिया हुँदै भारतको बलैगाउॅबाट दिल्ली जान लागेका दुबै जनालाई कारबाहीका लागि लागूऔषध ऐनअनुसार मुद्दा दायर गरिएको छ ।

प्रकाशित : पुस १, २०७६ १३:४५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

आशंका बमको, भेटियो चरेस

कमल पन्थी

बर्दिया — ठाकुरबाबा—२ सिंहवाहिनी भुरीगाउँमा सडकमा फालिएको शंकास्पद वस्तु निस्क्रिय पार्दा ११ किलो चरेस फेला परेको छ । स्थानीय सडकमा फालिएको झोला देखेपछि बमको आशंका गर्दै स्थानीयले प्रहरीलाई खबर गरेका थिए ।


सिंहवाहिनी क्याम्पस नजिक कालो झोला पूर्व पश्चिम राजमार्ग नजिक फेला परेको थियो। शंकास्पद झोला भएको जानकारी पाउना साथ नेपाल प्रहरी, सशस्त्र प्रहरी र नेपाली सेना पुगेका थिए।

बम भएको भन्दै निस्क्रिय पार्न खोज्दा झोलाभित्र चरेस फेला परेको प्रहरी उपरीक्षक राजेशनाथ बाँस्तोलाले बताए। प्रहरीले राजमार्गमा गुड्ने सवारी साधन तीन घण्टा आउजाउमा रोक लगाएको थियो।

प्रहरीका अनुसार शुक्रबार बेलुकी राजमार्गमा सवारी साधन चेकजाँच गर्ने क्रममा तस्करले चरेस फालेर गएको आशंका गरेको बताए।

प्रकाशित : मंसिर २८, २०७६ १६:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×