कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

सहाराविहीन विद्यार्थीलाई सहयोग

रुकुम पूर्व — सिस्ने गाउँपालिका–५ स्थित रुक्मिणी माध्यमिक विद्यालयका २५ विद्यार्थीका लागि सहयोग प्राप्त भएको छ । विद्यालयमा बसेर पढ्ने १८ र घरबाट आउजाउ गर्ने ७ असहाय विद्यार्थीका लागि ६ लाख रुपैयाँ सहयोग प्राप्त भएको हो । प्रदेश ५ सरकारको मुख्यमन्त्री ग्रामीण विकास कार्यक्रमबाट सहयोग रकम प्राप्त भएको विद्यालयले जनाएको छ ।

सहाराविहीन विद्यार्थीलाई सहयोग

०७७ सालको असार महिनासम्म आठ महिनाका लागि प्रतिमहिना ७५ हजारका दरले रकम प्राप्त भएको हो । यसअघि विद्यालय आफैंले आन्तरिक स्रोतबाट खर्च बेहोर्दै आएको विद्यालयका प्रधानाध्यापक कृष्ण गौतमले बताए । सहयोगलाई मितव्ययी तथा व्यवस्थित ढंगले परिचालन गरिने उनले बताए ।


चालु शैक्षिक सत्रमा विद्यालयले १३ जना सहाराविहीन विद्यार्थीलाई आफ्नै खर्चमा विद्यालयमा राखेर पढाउन सुरु गरेकामा अहिले त्यो संख्या २५ पुगेको छ । छात्रवास नहुँदा पनि विद्यालय भवनमा नै विद्यार्थी बस्ने गरी व्यवस्थापन गरिएको छ । सम्बन्धित वडा कार्यालयको सिफारिसमा विद्यार्थीलाई विद्यालयमा राखिंदै आएको प्रअ गौतमले बताए । सिस्ने गाउँपालिकाका साथै भूमे, पुथाउत्तरगंगा र रुकुम पश्चिमका समेत केही वडाका विद्यार्थीले विद्यालयमै बसेर पढिरहेका छन् ।


घरमा बुबाआमा नभएका, बुबा वा आमामध्ये एक जना नभएका र संरक्षणको अभाव भएका बालबालिकालाई विद्यालयमा राखेर पढाउन थालिएको विद्यालय व्यवस्थापन समितिका अध्यक्ष केशवचन्द्र समालले बताए । ‘कपी–कलम जम्मा गर्न नसक्ने र सहाराविहीन विद्यार्थीको पहिचान गरेर विद्यालयमै राखेर पढाउन थालिएको हो,’ अध्यक्ष समालले भने, ‘सानो कारणले बालबालिका पढाइबाट वञ्चित हुनुभन्दा थोरै स्रोत खोजेर व्यवस्थापन गर्न थालिएको छ ।’


नजिकका आफन्तकहाँ बस्ने गरेका बालबालिका पनि विभिन्न काममा अल्झँदा पढाइमा असर परिरहेको थाहा पाएपछि विद्यालय आफैंले बसाइको व्यवस्थापन गरेको उनको भनाइ छ । कक्षा ७ की अस्मी बुढा मगरले विद्यालयमा बस्न थालेपछि एक दिन पनि पढाइ नछुटेको बताइन् । ‘घरमा हुँदा पढाइ नछुटेको कुनै हप्ता हुन्नथ्यो,’ उनले भनिन्, ‘विद्यालयमै बस्न थालेपछि पढाइ छुटेको छैन ।’

प्रकाशित : मंसिर २४, २०७६ १२:४५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?