छोराद्वारा बाबुआमाको हत्या

शुक्रबार बिहान कोठामा ७२ वर्षीय रामनारायण यादव र ७० वर्षीया थागना यादवलाई धारिलो हतियार प्रहार कान्छो छोरा २८ वर्षीय गोरख यादवले हत्या गरेका जिल्ला प्रहरी कार्यालय रुपन्देहीले जनाएको छ ।

हतियार प्रहारपछि नारायणको घटनास्थलमै मृत्यु भएको थियो । उनकी श्रीमती थागनाको युनिभर्सल कलेज अफ मेडिकल साइन्सेज भैरहवामा उपचारको क्रममा ज्यान गएको जिल्ला प्रहरी कार्यालय रुपन्देहीका प्रहरी नायव उपरीक्षक खड्कबहादुर खत्रीले बताए ।

मानसिक सन्तुलन ठीक नभएकाले गोरखले आमाबुवाको हत्या गरेको हुनसक्ने प्रहरी अनुमान छ । गोरख नियन्त्रणमा रहेको र घटनाबारे अनुसन्धान भइरहेको प्रहरी नायव उपरीक्षक खत्रीले बताए ।