दाङ-३ ‘ख’मा नेकपाको अग्रता

दुर्गालाल केसी

दाङ — दाङको निर्वाचन क्षेत्र नम्बर ३ को प्रदेससभा ‘ख’ मा भएको उपनिर्वाचनमा नेकपाले अग्रता लिएको छ । पछिल्लो मतपरिणाम अनुसार नेकपा र नेपाली कांग्रेसका उम्मेदवारबीच प्रतिस्पर्धा देखिएको छ । नेकपाका उम्मेदवार विमलाकुमारी खत्रीले ४ हजार ६ सय ८२ मत ल्याएकी छिन् भने नेपाली कांग्रेसका उम्मेदवार केशवराज शर्माले ३ हजार ४ सय ४६ मत प्राप्त गरेका छन् ।

राष्ट्रिय प्रजातन्त्र पार्टीका भुपाल रावतले ३२, राष्ट्रिय प्रजातन्त्र पार्टी संयुक्तका छोटीलाल थारुले १५, साझा पार्टीका शिवकुमार चौधरीले २८, समाजवादी पार्टीका डिल्लीबहादुर डाँगीले १५, नेपाल मजदुर किसान पार्टीका सुरेश परियार र नेकपा मालेका हरिप्रसाद डाँगीले ५/५ मत ल्याएका छन्।

घोराहीस्थित जिल्ला समन्वय समितिको सभाहलमा बिहानदेखि मतगणना जारी छ। उक्त क्षेत्रमा ६८ हजार ७ सय १९ मतदाता रहेकोमा ४५ हजार ७ सय १८ मत खसेको मुख्य निर्बाचन अधिकृत रितेन्द्र थापाले जानकारी दिएका छन्।

प्रकाशित : मंसिर १५, २०७६ १५:१९
ADVERTISEMENT
प्रतिक्रिया
पठाउनुहोस्
ADVERTISEMENT

राष्ट्रकविलाई रिया सम्मान

कान्तिपुर संवाददाता

काठमाडौँ — राष्ट्रकवि माधव प्रसाद घिमिरे रिया साहित्य स्रष्टा सम्मानबाट सम्मानित भएका छन् । कपनस्थित रिलायन्स इन्टरनेसनल एकेडेमी तथा रिया साहित्य समाजले ११० औं लक्ष्मी जयन्तीको अवसरमा उनलाई सम्मान गरेको हो ।

उनलाई ५१ हजार रुपैयाँसहित सम्मान गरिएको रिया साहित्य समाजका दामोदर भट्टराईले बताए । २०६९ सालमा सुरु गरिएको यो सम्मान यसअघि डा. शैलेन्दु प्रकाश नेपाल, प्रा.डा. कुमार बहादुर जोशी, प्रा.डा. चुडामणि बन्धु, प्रा.डा. महादेव अवस्थी, प्रा.डा. वासुदेव त्रिपाठी र डा. रामप्रसाद ज्ञवालीलाई प्रदान गरिएको थियो ।

लक्ष्मी जयन्तीको अवसरमा आयोजित कार्यक्रममा उपत्यकाव्यापी वक्तृत्वकला प्रतियोगिता र कवि गोष्ठी पनि सञ्चालन गरिएको थियो ।

प्रकाशित : मंसिर १५, २०७६ १४:४८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
×