प्यूठान — प्यूठान नगरपालिका वडा नम्बर २ को वडाध्यक्षमा नेकपाका उम्मेदवार मुक्तिप्रसाद पोखरेल विजयी भएका छन् । निकटतम प्रतिस्पर्धी कांग्रेसका मोहनसिह विष्टलाई २ सय ८४ मतान्तरले पछि पार्दै पोखरेल विजय भएका हुन् । पोखरेलले १ हजार १ सय २७ र विष्टले ८ सय ४३ मत पाएका छन् । २५ मत बदर भएको छ ।
वडामा ३ हजार २१ जना मतदातामध्ये १ हजार ९ सय ९५ जनाले मतदान गरेका थिए ।
यहाँ यसअधि पनि नेकपाले नै विजय प्राप्त गरेको थियो । तत्कालीन एमालेबाट विजयी चेतबहादुर विष्टको क्यान्सरका कारण मृत्यु भएपछि उपनिर्वाचन भएको हो ।