हवाई फायर गरेर लुटेरा पक्राउ

दुर्गालाल केसी

दाङ — प्रहरीले हवाई फायर गरेर सोमबार तुलसीपुरमा तीन जना लुटेरा पक्राउ गरेको छ । अन्य दुईजना फरार छन् । तुलसीपुर उपमहानगरपालिका-३ खमारीस्थित चमेरेगुफा घुमेर मोटरसाइकलमा फर्कने क्रममा दुई जनालाई अपहरण गरी लुटपाट गर्ने समूहलाई गोली प्रहार गरी पक्राउ गरिएको इलाका प्रहरी कार्यालय तुलसीपुरले जानकारी दिएको छ ।


लुटेरा समूहले शनिबार बेलुका मोटरसाइकलमा रहेका ४६ वर्षीय पुरुष र २९ वर्षीया महिलालाई अपहरण गरी जंगलमा लगेर कुटपिट गरी अश्लिल भिडियो खिचेका थिए। अश्लिल भिडियो सामाजिक सञ्जालमा हालिदिने धम्की दिँदै उनीहरुले ५ लाख रुपयाँ मागेका थिए। उक्त रकम दिने क्रममा आज बिहान खमारीको जंगलमा लुटेरा पक्राउ परेका हुन्। भाग्न खोजेपछि दुई राउण्ड हवाई फायर गरी पक्राउ गरिएको प्रहरीले जानकारी दिएको छ। अपहरणमा परेको दिन उनीहरुको साथमा रहेको रा४प ६०८३ नम्बरको मोटरसाइकल, मोबाइल, पर्स लगाएतका सामानहरु लुटिएको थियो।

पक्राउ पर्नेमा तुलसीपुर ३ खमारीका १९ वर्षीय विमल वली १९ वर्षीय नविन नेपाली र २६ वर्षीय दुजबहादुर खत्री रहेका छन्। खमारीकै २३ वर्षीय ईश्वर पुन र २० वर्षीय अर्जुन पुन फरार रहेको जिल्ला प्रहरी प्रवक्ता डिएसपी विनोदविक्रम शाहले बताए। घटनाबारे थप अनुसन्धान भइरहेको उनले जानकारी दिए।

प्रकाशित : कार्तिक २५, २०७६ १८:१०
ADVERTISEMENT
प्रतिक्रिया
पठाउनुहोस्

नमोबुद्धमा बस दुर्घटना, २५ घाइते

नगेन्द्र अधिकारी

काभ्रे — वीपी राजमार्ग अन्तर्गत नमोबुद्ध–२ पात्लेगाउँमा बस दुर्घटना हुँदा २५ जना घाइते भएका छन् । घाइतेमध्ये ३ को अवस्था गम्भीर छ ।

बनेपाबाट नेपालथोकको लागि छुटेको बा.४.ख ३३१९ नम्बरको यात्रुबाहक बस सडकबाट अन्दाजी १ सय ५० मिटर तल खसेको थियो । विपरीत दिशाबाट आइरहेको बसलाई साइड दिने क्रममा एक्कासीबीचमा चेपिएको मोटरसाइकललाई बचाउने क्रममा बस तल खसेको जिल्ला प्रहरी प्रमुख एसपी जयराज सापकोटाले जानकारी दिए ।
गम्भीर घाइते तेमाल गाउँपालिकाका १८ वर्षीय विवेक तामाङ र पहिचान नखुलेका २ जनालाई थप उपचारको लागि काठमाडौं रिफर गरिएको धुलिखेल अस्पतालले जनाएको छ । अन्य २२ जनाको धुलिखेल अस्पतालमा उपचार भइरहेको छ ।

प्रकाशित : कार्तिक २५, २०७६ १७:४६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×