कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १६१

भान्सामा बंगुरको तेल 

कान्तिपुर संवाददाता

रुकुम पूर्व — पुथाउत्तरगंगा गाउँपालिकाका प्राय: घरमा सुंगुर–बंगुर पालिएका छन् । परापूर्वकालदेखि नै यहाँको मुख्य पेसा यही हो । यहाँको १०, ११, १२, १३ र १४ वडामा परम्परादेखि सुंगुर–बंगुर पालिँदै आएको छ । 

सुंगुर–बंगुर काटेर मासु बिक्री गरिन्छ । त्यसको बोसोबाट निकालिएको तेल भान्सामा प्रयोग हुन्छ । सुंगुरको तुलनामा बंगुरको तेल धेरै आउने किसानहरूले बताए । त्यही तेलबाट तरकारी पकाउने, दाल झान्ने, रोटी/पुरी पकाउनेसम्मको काम हुन्छ । यहाँ मासु बेचेर आम्दानी गर्नेभन्दा पनि भान्सामा भुटुनको जोहो गर्न सुंगुर–बंगुर पालिने स्थानीयले बताए । ‘सुंगुर–बंगुर पालनको उद्देश्य नै यहाँ फरक छ,’ स्थानीय महेन्द्र माविका सहायक प्रधानाध्यापक एवं पुथाउत्तरगंगा गाउँपालिका १० का रासधन घर्ती मगरले भने, ‘खास गरी खाने तेल जुटाउन तिनको पालन गरिन्छ ।’ एउटा ठूलो बंगुर काटियो भने त्यसबाट ४/५ जनाको परिवारलाई वर्ष दिनसम्मै भुटुन गर्न पुग्ने तेल निस्किने उनले बताए । यस क्षेत्रका ९० प्रतिशत घरमा सुंगुर–बंगुर रहेको र ती सबैको उद्देश्य तेलको जोहो गर्नु रहेको उनले सुनाए ।


सुंगुर–बंगुरको बोसो लामो समयसम्म आगोमा पकाएर तेल निकालिन्छ । यो तेल प्रयोगबाट हुने बेफाइदाबारे अहिलेसम्म कसैले कुनै गुनासो गरेका छैनन् ।


प्रकाशित : कार्तिक १९, २०७६ १०:१०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?