५ किलो चरेससहित एक पक्राउ 

हरि गौतम

रुकुम पूर्व — लागू औषध चरेससहित एक महिला पक्राउ परेकी  छन् ।  जिल्ला प्रहरी कार्यालयले चरेससहित पुथाउत्तरगंगा गाउँपालिका–१२ क्युबाङचौरबाट २७ वर्षीया शिला सुनारलाई पक्राउ गरेको हो ।


गर्खानीबाट क्युबाङतर्फ चरेस लैजाँदै गर्दा सुनारलाई प्रहरीले आइतबार राति पक्राउ गरेको थियो।

विशेष सूचनाको आधारमा जिल्ला प्रहरी कार्यालयले जिल्लाकै टोली परिचालन गरी चरेससहित महिलालाई पक्राउ गरेको प्रहरी नायब उपरीक्षक योगेन्द्रकुमार खड्काले बताए।

रुकुमकोट जिल्ला अदालतबाट २० दिनको म्याद थप गरी सुनारमाथि अनुसन्धान भइरहेको डीएसपी खड्काले बताए।

प्रकाशित : कार्तिक ५, २०७६ १६:३१
ADVERTISEMENT
प्रतिक्रिया
पठाउनुहोस्
ADVERTISEMENT

मिल्यो भूमि बाँडफाँट

हरि गौतम

(रुकुमपूर्व) — मुलुकमा ७५ जिल्ला हुनुअगावै सुरु भएको सीमा विवाद बल्ल समाधान भएको छ । नेपालमा ३६ जिल्ला हुँदादेखिको सीमासम्बन्धी विवाद अहिले साबिक रुकुम प्रदेश ५ र कर्णाली प्रदेशमा विभाजित भएपछि समाधान भएको हो । 

साबिकका पाल्पा र सल्यान जिल्लाबीच सीमा विवाद सुरु भएको थियो । सार्वजनिकलाई व्यक्तिगत बनाउने प्रयास भएपछि दुवै जिल्लाले उक्त जग्गा सार्वजनिक भएको र आफ्नो क्षेत्रभित्र पर्ने दाबी गर्दै आएका थिए । उक्त विवाद ३६ जिल्ला हुँदा सुरु भएको थियो । जिल्लाको संख्या ७५ भएपछि विवादित जमिन साबिक रुकुम जिल्लामा परेको थियो । तत्कालीन राजा महेन्द्रले ०१८ सालमा नेपालका ३६ जिल्लालाई बढाएर ७५ घोषणा गरेका थिए ।

रुकुम जिल्लाका साबिक शोभा र साँख गाविसबाट सीमा विवाद सुरु भएको हो । एउटै जिल्ला भएपछि विवाद उत्कर्षमा नपुगे पनि उक्त क्षेत्र ‘झ’मै थियो । स्थानीय तहको निर्वाचन र साबिक रुकुम दुई जिल्ला बनेपछि उक्त विवाद फेरि सतहमा आयो । उक्त क्षेत्र रुकुम पूर्वको सिस्ने गाउँपालिका–६, रुकुम पश्चिमको मुसीकोट नगरपालिका–८ मा रहेको छ । गाउँ, टोल, वडा, जिल्लामात्र नभई प्रदेशको सीमा भएपछि विवाद बढ्दै गएको हो ।

दुवै जिल्ला, स्थानीय तह, वडा, गाउँ तथा टोलका बासिन्दाको छलफलले उक्त विवाद समाधान गरेको छ । सिस्ने गाउँपालिका–६, खोपीचारमा दुवै जिल्लाका प्रतिनिधिले विवादका विषयमा छलफल गरेका थिए । छलफलपछि उक्त ठाउँलाई आधा–आधा बनाएर सीमा निर्धारण गरिएको छ । ‘झ’ रहेको भनिएको उक्त क्षेत्र प्रदेश ५ को रुकुम पूर्वतिर ९५ मिटर र कर्णाली प्रदेशको रुकुम पश्चिमतिर ९५ मिटर बाँडफाँट गरिएको छ । दुवै जिल्लाका नापी कार्यालयका प्राविधिकले कीला ठोकेर सीमा निर्धारण गरेका हुन् ।

‘दुवै प्रदेशमा पर्ने जिल्लाका प्रतिनिधिबीचको छलफलले लामो समयदेखिको विवाद समाधान गरेको छ,’ जिल्ला समन्वय समिति प्रमुख गजेन्द्रबहादुर ओलीले भने, ‘उक्त क्षेत्रको दूरी नापेर बराबर गरी साँध सीमा निर्धारण भएको छ ।’ सीमा विवादकै कारण गाउँदेखि स्थानीय सरकारसम्मको तिक्तता बढ्दै गएपछि विवाद समाधानका लागि छलफल थालिएको उनले बताए ।

दुवै जिल्लाका प्रतिनिधि विवादित क्षेत्र आधा बनाउन तयार भएपछि सीमा विवाद समाप्त भएको प्रमुख जिल्ला अधिकारी मोहनप्रसाद अर्यालले बताए । दुवै प्रदेश र जिल्ला स्तरीय टोलीबीचको नीतिगत सहमतिअनुसार सीमा विवाद समाप्त भएको उनले बताए । स्थानीय तह सक्रिय भएपछि सीमा विवाद बल्झिएको थियो । दुवै स्थानीय तहले एकले अर्कालाई सीमा मिचेको आरोप लगाउँदै आएका थिए ।

प्रकाशित : कार्तिक ३, २०७६ १०:५४
पूरा पढ्नुहोस्
प्रतिक्रिया
पठाउनुहोस्
ADVERTISEMENT