५ किलो चरेससहित एक पक्राउ
रुकुम पूर्व — लागू औषध चरेससहित एक महिला पक्राउ परेकी छन् । जिल्ला प्रहरी कार्यालयले चरेससहित पुथाउत्तरगंगा गाउँपालिका–१२ क्युबाङचौरबाट २७ वर्षीया शिला सुनारलाई पक्राउ गरेको हो ।
गर्खानीबाट क्युबाङतर्फ चरेस लैजाँदै गर्दा सुनारलाई प्रहरीले आइतबार राति पक्राउ गरेको थियो ।
विशेष सूचनाको आधारमा जिल्ला प्रहरी कार्यालयले जिल्लाकै टोली परिचालन गरी चरेससहित महिलालाई पक्राउ गरेको प्रहरी नायब उपरीक्षक योगेन्द्रकुमार खड्काले बताए ।
रुकुमकोट जिल्ला अदालतबाट २० दिनको म्याद थप गरी सुनारमाथि अनुसन्धान भइरहेको डीएसपी खड्काले बताए ।
प्रकाशित : कार्तिक ५, २०७६ १६:३१प्रतिक्रिया
