बाघको आक्रमणमा महिलाको मृत्यु

सोही दिन दिउँसो उनी बाख्रा चराउन बर्दिया राष्ट्रिय निकुञ्जसँग जोडिएको स्वर्गद्वारी सामुदायिक वनमा गएकी थिइन् । बाख्रालाई झम्टँदा उनले प्रतिकार गरेको हुन सक्ने स्थानीयको अनुमान छ ।

हात र अनुहारमा चोट लागेर गम्भीर घाइते अवस्थामा उनलाई उपचारार्थ कोहलपुर पठाइएको थियो । बाघले दुईवटा बाख्रा पनि मारेको छ । निकुञ्जसँग जोडिएको उक्त सामुदायिक वनमा बाघलाई नियन्त्रणमा लिन प्राविधिक टोलीसहित सुरक्षाकर्मी पठाइएको प्रमुख संरक्षण अधिकृत अणनाथ बरालले बताए ।

केही समययता निकुञ्जबाट आहाराको खोजीमा बाहिर निस्कने बाघले एक वर्षयता ५ जनाको ज्यान लिइसकेको छ । उक्त अवधिमा ६ जना घाइते भएका छन् ।