बस खस्दा चालकसहित २ को मृत्यु 

प्रहरीका अनुसार सडक चिप्लो हुँदा बस सडकबाट करिब २ सय मिटर तल खसेको थियो ।

मृत्यु हुनेहरुमा चालक लंग्री गाउँपालिका-३ जुतुङखोला निवासी २२ वर्षीय यामबहादुर घर्ती र बसमा सवार यात्रु लुंग्री–२ सिर्प निवासी १९ वर्षीय सूर्यलाल जिएम छन् ।

यात्रुले खचाखच भरिएको उक्त बस सुलीचौर बसपार्कबाट छुटेकी केही मिनेटमै दुर्घटनामा परेको थियो ।

सडक साँघुरो, असजिलो र घुम्ती भएकाले उक्त बस चालकले फर्काउन खोज्दा सोझै खोलामा खसेको प्रहरीको भनाइ छ । रोल्पाका प्रहरी प्रमुख प्रहरी नायब उपरीक्षक चित्रबहादुर गुरुङले घटनापछि उद्धारका लागि प्रहरीसहित स्थानीय खटिएको जानकारी दिए ।

उद्धारकर्ताहरुले खोलामा पानी निकै भएकाले उत्तानो परेको बसभित्र रहेका यात्रुलाई झिक्न थप समय पर्खनुपर्ने बताएका छन् ।