बल्ल चिकित्सक

चिकित्सक शेषराज घिमिरेले छाडेपछि जिल्ला अस्पताल चिकित्सकविहीन बनेको थियो । चिकित्सक नहुँदा नियमित उपचार, पोस्टमार्टम, स्वास्थ्य परीक्षण, ओसीएमसी (लैगिक हिंसासम्बन्धी एकद्वार व्यवस्थापन केन्द्र) लगायत काम ठप्प थिए ।

स्वास्थ्य निर्देशनालय बुटवलका प्रमुख विनोदकुमार गिरीले यहाँ आएर अस्पतालको अवस्था बुझेर फर्केपछि चिकित्सक पठाएका हुन् । उपचारका लागि आएका बिरामीले सेवा र औषधि नपाएको गुनासो गरेका थिए । निर्देशनालयले कार्यालय प्रमुखको जिम्मेवारीसहित डा. बैजवारलाई खटाएर पठाएको हो । अस्पतालको लेखामा काम गर्नका लागि कोष तथा लेखा नियन्त्रण कार्यालय प्यूठानले सिंचाइ विकास तथा जलस्रोत व्यवस्थापन कार्यालय प्यूठानका लेखापाल खिमबहादुर अधिकारीलाई तोकेको व्यवस्थापक घिमिरेले बताए ।