ल्यान्डफिल साइट सञ्चालन

सहरी विकास मन्त्री मोहम्मद इस्तियाक राईले बिहीबार उद्घाटन गरेसँगै यो सञ्चालनमा आएको छ । उद्घाटन कार्यक्रममा मन्त्री राईले विकासमा राजनीति गर्न नहुने बताए । ‘नेपालगञ्जको विकासमा हातेमालो गरेर अगाडि बढौं,’ उनले भने, विकासमा यो वा ऊ नभनौं, सबै मिलौं ।’

आधुनिक ल्यान्डफिल साइट बनेसँगै ‘फोहोरबाट मोहर’ फलाउने काम अघि बढ्ने पनि उनले बताए । नेपालका आठ सहरमा यस प्रकारका ल्यान्डफिल साइट बन्दै छन् । नेपालगन्जमा ०७३ जेठ ३१ मा सम्झौता भएर असार २० गतेदेखि काम सुरु भएको थियो ।

१३ बिघा ५ कठ्ठा जमिनमा फैलिएको ल्यान्डफिल साइटमा ३२ वर्षसम्म फोहोर व्यवस्थापन गर्न सकिने सरोकारवाला निकायले जनाएको छ । गल्ने र नगल्ने दुई प्रकारका फोहोरलाई ल्यान्डफिल साइटमा व्यवस्थापन गरिएको छ । गल्ने फोहोरबाट मल बनाउने

अवधारणा पनि अघि सारिएको छ ।

नेपालगञ्जमा दैनिक २५ देखि ३० टन फोहोर जम्मा हुन्छ । ल्यान्डफिल्ड साइटमा दैनिक २६ टन फोहर भण्डारण गर्न सकिनेछ ।