भारतमा भएको मोटरसाइकल दुर्घटनामा दुई नेपालीको मृत्यु
अर्घाखाँची — भारतको पञ्जाबमा रोजगारी गर्दै आएका अर्घाखाँचीका दुई युवाको मोटरसाइकल दुर्घटनामा निधन भएको छ । मृत्यु हुनेमा शीतगंगा नगरपालिका-३ का ३२ वर्षीय विष्णुबहादुर विक र पाणिनि गाउँपालिका-२ खिदिमका ४४ वर्षीय कृष्णबहादुर सुनारको मृत्यु भएको आफन्तले जनाएका छन् ।
शुक्रबार काम सकेर मोटरसाइकलमा डेरामा फर्कँदै गर्दा विपरित दिशाबाट आएको गाडीले ठक्कर दिँदा विकको घटनास्थलमै र सुनारको उपचारको क्रममा मृत्यु भएको हो । शवलाई पञ्जाबको भटिण्डा स्थित सिभिल अस्पतालमा पोष्टमार्टमका लागि राखिएको छ । शवलाई नेपाल ल्याइने आफन्त महेश्वर विकले बताए ।
प्रकाशित : भाद्र २८, २०७६ १४:५०प्रतिक्रिया
