जंगली हात्तीले मच्चाए रातभर आतंक, १२ कठ्ठा धानबालीमा क्षति

नगरपालिकाका प्रमुख घननारायण श्रेष्ठका अनुसार जंगली हात्तीको हुल गाउँतर्फ छिरेपछि स्थानीय रातभर जाग्राम बसेका थिए । लखेट्न खोज्दा हात्तीको हुल नभाग्दा धानमा क्षति पुगेको हो । प्रमुख श्रेष्ठ बुधबार बिहानै धान खेतीमा हात्तीले पुर्‍याएको क्षतिबारे स्थलगत अनुगमन गरेका छन् । उनले पीडित किसानलाई क्षतिपूर्ति दिलाउने प्रतिबद्धता जनाएका छन् ।

पसाउन थालेको धान हात्तीले खाई दिएपछि किसान समस्यामा परेका छन् । बर्दिया राष्ट्रिय निकुन्जबाट निस्केका हात्तीले दुःख दिँदै आएको स्थानीय बताउँछन् ।