करेन्ट लागेर १ को मृत्यु
दाङ — करेन्ट लागेर मंगलबार दाङमा १ जनाको मृत्यु भएको छ । घर निर्माणको क्रममा बिजुलीको तार छोएर करेन्ट लाग्दा लमही नगरपालिका ६ देउपुरका ३० वर्षीय जीवन चौधरीको ज्यान गएको जिल्ला प्रहरीले जानकारी दिएको छ ।
स्थानीय एनुका पुनको एक तले घर बनाउने बेला करेन्ट लागेपछि चौधरी छतबाट खसेका थिए । छतबाट खसेर घाइते भएका चौधरीको लमही अस्पतालमा मृत्यु भएको जिल्ला प्रहरी प्रवक्ता डिएसपी विनोदविक्रम शाहले बताए ।