प्रतिष्ठानलाई शुल्क बढाउने बाटो खुला
दाङ — घोराहीस्थित राप्ती स्वास्थ्य विज्ञान प्रतिष्ठानलाई शुल्क बढाउने बाटो खुला भएको छ । विभिन्न सेवामा अत्यधिक शुल्क वृद्धि गरेको भन्दै मदनकुमार वली समेतका व्यक्तिहरुले गत पुस १९ मा प्रतिष्ठानलाई विपक्षी बनाई दायर गरेको रिटमा बुधबार फैसला गर्दै उच्च अदालत तुलसीपुरले शुल्क वृद्धिको बाटो सहज बनाइदिएको हो ।
मुख्य न्यायाधीश रमेश पोखरेल र न्यायाधीश शालिग्राम कोइरालाको इजलासले रिट खारेज गर्ने फैसला गरेको हो । पुस २० मा अदालतले शुल्क वृद्धि कार्यान्वयन नगर्न अन्तरिम आदेश जारी गरेको थियो ।
उक्त आदेश विपरित प्रतिष्ठानले बढी शुल्क लिइरहेको भन्दै वलीले असार २५ मा अदालतको अपहेलना सम्बन्धी रिट दायर गरेका थिए ।
अदालतले दुवै रिटमा निवेदकको दाबी कानूनसम्मत नभएको भन्दै खारेज गरिदिएको छ ।
प्रकाशित : भाद्र १२, २०७६ ११:५७प्रतिक्रिया