होटलमा मृत फेला
दाङ — घोराही उपमहानगरपालिका १५ ट्राफिक चोकस्थित शंकर होटेलमा बास बसेका बंगलाचुली गाउँपालिका–८ रानिबासका २३ वर्षीय लालु घर्ती मृत भेटिएका छन् ।
भारतमा रोजगारी गरी फर्कने क्रममा शनिबार राति होटेलमा ६ जना बास बसेको र कोठा नं. २०६ मा एक साथीसहित सुतेका घर्ती आइतबार बिहान मृत भेटिएको जिल्ला प्रहरीले जानकारी दिएको छ ।
घटनाबारे अनुसन्धान भइरहेको जिल्ला प्रहरी प्रवक्ता डिएस्पी विनोदविक्रम शाहले बताए ।