सर्पले टोकेर महिलाको मृत्यु

दुर्गालाल केसी

दाङ — सर्पले टोकेर तुलसीपुरमा एक महिलाको मृत्यु भएको छ । तुलसीपुर उपमहानगरपालिका १२ कुइरेपानीकी ३१ वर्षीया बृहस्पती चौधरीको मंगलबार घरमा सुतिरहेको अवस्थामा सर्पले डसेर मृत्यु भएको हो । 

प्रतिकात्मक तस्बिर ।

चौधरीको उपचारका लागि नेपालगन्ज लैजाने क्रममा बाटोमै मृत्यु भएको जिल्ला प्रहरी प्रमुख डीएसपी विनोदविक्रम शाहले बताए ।

प्रकाशित : भाद्र ४, २०७६ १४:१५
प्रतिक्रिया
पठाउनुहोस्

तीन शीर्ष नेताको अनौपचारिक सहमति- 'सत्य निरूपण तथा मेलमिलाप आयोगको अध्यक्षमा पूर्व महान्याधिवक्ता श्रेष्ठ'

बेलुकी ५ बजेपछि फेरि शीर्ष नेताहरु छलफल गर्दै
घनश्याम खडका

काठमाडौँ — सत्य निरूपण तथा मेलमिलाप आयोगको अध्यक्षमा रमण श्रेष्ठलाई बनाउन नेकपा र कांग्रेसका ३ शीर्ष नेताहरुबीच अनौपचारिक सहमति भएको छ । उच्च स्रोतका अनुसार शीर्ष नेताले बुधबार दिउँसो पूर्व महान्यायाधिवक्ता श्रेष्ठलाई अध्यक्ष बनाउन अनौपचारिक सहमति गरेका थिए । यसलाई अन्तिम रुप दिन फेरि बेलुकी ५ बजे शीर्ष नेताहरुबीच छलफल हुँदै छ ।

शीर्ष नेताहरुबीच बनेको सहमतिकै नाममा सिफारिस समितिले‍औपचारिकता दिनेछ । समितिको सिफारिसको आधारमा मन्त्रिपरिषद्ले निर्णय गर्ने छ ।

दिउँसो शीर्ष नेताहरुबाट श्रेष्ठको नाम टुंगो लगाएर आयोग पदाधिकारी नियुक्ति सिफारिस समितिले बेलुका श्रेष्ठको नामलाई औपचारिकता दिने कार्यतालिका बनाइएको थियो। तर शीर्ष नेताहरुको छलफलपछि श्रेष्ठको नाम पक्का भएको खबर आएपछि सिफारिस समितिको बेलुकी बस्ने भनेको बैठक नबस्ने भएको छ। स्रोतले भन्यो, 'दिउँसै श्रेष्ठको नाम आउन थालेपछि प्रेसर पर्‍यो। त्यसैले १/२ दिनपछि सिफारिस समितिको बैठक बोलाउने गरी स्थगित गरियो।'

प्रधानमन्त्री केपी शर्मा ओली, नेकपा अध्यक्ष पुष्पमल दाहाल र नेपाली कांग्रेसका सभापति शेरबहादुर देउवाबीच बेलुकी ५ बजेपछि बस्ने अर्को बैठकले सिफारिस सामितिलाई निर्देशन दिनेछ। प्रधानमन्त्री ओली उपचारको लागि बिहीबार सिंगापुर जाने भएपछि आयोग अध्यक्षको नाम अन्तिम टुंगो लगाएर जाने बुझिएको छ।

सरकारले आयोगको अध्यक्ष सिफरिसको लागि गत चैत १२ गते पूर्वप्रधानन्यायाधीश ओमप्रकाश मिश्रको संयोजकत्वमा ५ सदस्यीय समिति गठन गरेको थियो।

श्रेष्ठको नाम सिफारिस हुने लगभग निश्चित भएपछि द्वन्द्व पीडितहरुको संस्था साझा चौतारीले भने विरोध गरेको छ। श्रेष्ठ २०७३ सालमा पुष्पकमल दाहाल प्रधानमन्त्री हुँदा तत्कालीन एमाओवादीको तर्फबाट महान्यायाधिवक्ताबनेका थिए।

यसअघि गोविन्द बन्दीलाई प्रधानमन्त्रीले र सूर्य ढुंगेललाई देउवाले नाम लिएका थिए । दुवै नाममा सहमति नभएपछि देउवाले श्रेष्ठको नामप्रस्ताव गरेका थिए ।

प्रकाशित : भाद्र ४, २०७६ १३:३६
पूरा पढ्नुहोस्
प्रतिक्रिया
पठाउनुहोस्