दाङ — देव विकास बैंक नारायणपुर शाखा प्रमुख समिर बुढाथोकी ठगी अभियोगमा पक्राउ परेका छन् । बैंकको १७ करोड रुपैयाँ हिनामिना गरेको अभियोगमा उनलाई पक्राउ गरिएको जिल्ला प्रहरी प्रवक्ता डिएसपी विनोदविक्रम शाहले बताए ।
घोराही उपमहानगरपालिका १० नारायणपुर निवासी ३५ वर्षीय बुढाथोकी वैशाखदेखि फरार थिए । खोजतलासका क्रममा बुधबार लमहीबाट पक्राउ गरिएको शाहले जानकारी दिए । बुढाथोकीको विषयमा थप अनुसन्धान भइरहेको उनले बताए ।