एनसेल टावरमा आगजनी

दुर्गालाल केसी

दाङ — शान्तिनगर गाउँपालिका ५ रगैंचास्थित एनसेल टावरमा आगजनी भएको छ । स्थानीय खड्क बिष्टको मकैबारीमा रहेको टावरमा सोमबार राति १ बजे आगजनी भएको जिल्ला प्रहरी प्रवक्ता डिएसपी विनोदविक्रम शाहले बताए ।

उनका अनुसार आगलागीबाट टावरको जेटेरेटर पूर्णरुपमा नष्ट भएको छ ।

घटनामा नेत्रविक्रम चन्द समूहमाथि आशंका रहेको र थप अनुसन्धान भइरहेको शाहले बताए ।

प्रकाशित : भाद्र ३, २०७६ १५:४२
प्रतिक्रिया
पठाउनुहोस्

सय किलो गाँजासहित ५ पक्राउ

सुवास विडारी

मकवानपुर — प्रहरीले गाँजा सहित पाँच जनालाई पक्राउ गरेको छ । पूर्वपश्चिम राजमार्गअन्तर्गत् हेटौंडा–१५ रातोमाटे र राक्सिराङ गाउँपालिकाबाट प्रहरीले १ सय ३ किलो गाँजासहित ३ भारतीय र २ नेपालीलाई पक्राउ गरेको हो । 

प्रहरीले रातोमाटेमा हेटौंडाबाट वीरगन्ज जाँदै गरेको एचआर ५१ एल २४४१ नम्बरको भारतीय कारमा लुकाएर लगिदै गरेको २१ किलो ५ सय ग्राम गाँजासहित कार चालक भारतीय नागरिक मुकेश सहनी, सोही स्थानका राजकुमार, भारत मोतिहारीकै ओमप्रकाश चौधरी र पर्साका जितेन्द्रप्रसाद यादवलाई पक्राउ गरेको हो ।

यसैगरी प्रहरीले मकवानपुरको राक्सिराङ गाउँपालिका–३ पलाँसेबाट ८१ किलो ७ सय ग्राम गाँजासहित सप्तरीका पुरन साहलाई पक्राउ गरेको छ ।

विशेष सूचनाको आधारमा पलाँसे बसपार्क पुगेको प्रहरीले गाँजा लोड गर्ने सवारी कुरिरहेको अवस्थामा साहलाई पक्राउ गरिएको जिल्ला प्रहरी कार्यालय मकवानपुरका प्रहरी उपरीक्षक मुकेशकुमार सिंहले जानकारी दिए । उनीहरुमाथि आवश्यक अनुसन्धान भइरहेको प्रहरीले जनाएको छ ।

प्रकाशित : भाद्र ३, २०७६ १५:३५
पूरा पढ्नुहोस्
प्रतिक्रिया
पठाउनुहोस्