दुर्घटनामा एकजनाको मृत्यु

कान्तिपुर संवाददाता

रुपन्देही — बुटवलको ढवाहामा सोमबार मोटरसाइकल दुर्घटनमा परी एकजनाको मृत्यु भएको छ । पूर्व-पश्चिम राजमार्गअन्तर्गत बुटवल-१२ मा दुर्घटना भएको हो । 

दुर्घटनामा परी गुल्मीका २६ वर्षीय सुवास पछाईंको मृत्यु भएको इलाका प्रहरी कार्यालय बुटवलका प्रहरी नायव उपरीक्षक भीमलाल भट्टराईले बताए । उनका अनुसार मुख्य राजमार्गबाट दक्षिण लागेको लु २ च ३२६ नम्बरको मोटरसाईकल र पश्चिमबाट पूर्वतर्फ आउँदै गरेको लु ३२ प ५००१ नम्बरको पिकअप भ्यानसँग ठोक्किँदा पछाईंको मृत्यु भएको हो । घटनाबारे थप अनुसन्धान भइरहेको उनले जनाए ।

प्रकाशित : भाद्र २, २०७६ १६:१८
प्रतिक्रिया
पठाउनुहोस्

दाहालले भने, 'नेकपाको सरकार ५ वर्षसम्म, ओलीजी समझदारी अनुसार चल्नुहुन्छ'

कान्तिपुर संवाददाता

जनकपुर — नेकपाका अध्यक्ष पुष्पकमल दाहालले नेकपाको सरकार ५ वर्षसम्म रहने दाबी गर्दै प्रधानमन्त्री केपी शर्मा ओलीले ‘समझदारी’ अनुसार चल्नुपर्ने बताएका छन् । उनले समझदारीको आशय भने खुलाएनन् ।

‘नेकपाको सरकार ५ वर्षसम्म रहन्छ। यसमा कुनै दुविधा नै छैन,’ सोमबार जनकपुर विमानस्थलमा संवाददाताहरुसित कुरा गर्दै नेकपाका अध्यक्ष दाहालले भने, ‘सरकार पनि ५ वर्ष जान्छ। ओलीजी पनि समझदारीअनुसार चल्नुहुन्छ।’

प्रकाशित : भाद्र २, २०७६ १६:०८
पूरा पढ्नुहोस्
प्रतिक्रिया
पठाउनुहोस्