दुर्घटनामा एकजनाको मृत्यु
रुपन्देही — बुटवलको ढवाहामा सोमबार मोटरसाइकल दुर्घटनमा परी एकजनाको मृत्यु भएको छ । पूर्व-पश्चिम राजमार्गअन्तर्गत बुटवल-१२ मा दुर्घटना भएको हो ।
दुर्घटनामा परी गुल्मीका २६ वर्षीय सुवास पछाईंको मृत्यु भएको इलाका प्रहरी कार्यालय बुटवलका प्रहरी नायव उपरीक्षक भीमलाल भट्टराईले बताए । उनका अनुसार मुख्य राजमार्गबाट दक्षिण लागेको लु २ च ३२६ नम्बरको मोटरसाईकल र पश्चिमबाट पूर्वतर्फ आउँदै गरेको लु ३२ प ५००१ नम्बरको पिकअप भ्यानसँग ठोक्किँदा पछाईंको मृत्यु भएको हो । घटनाबारे थप अनुसन्धान भइरहेको उनले जनाए ।
प्रकाशित : भाद्र २, २०७६ १६:१८