पाल्पामा रोपाइँजात्रा 

परम्परागत रुपमा निकालिदै आएको रोपाइँ जात्रा यसपटक पनि परम्परा धान्ने काम भएको छ । पश्चिम पहाडको मौलिक पर्वका रुपमा रहेको रोपाइँ जात्रामा धान रोप्दा गरिने क्रियाकलाप झल्काउने खालको अभिनय गरिन्छ ।

अघिअघि गोरु हली अनि पछि पछि रोपारले हिलोमा धान रोपेको अभिनय गर्दै रोपाइँ निकालिन्छ । जात्रा हेर्न चोकचोकमा भीड लागेको थियो ।

धान रोप्ने काम सकिएको खुसियालीमा मनाइने यो जात्रामा रोपाइँमा धान रोपे झैं गरी नाच्ने गाउने गरिन्छ । रोपाइँ जात्रा मनाउन खेतालाहरू जम्मा भएर बाजा गाजाका साथ असारे गीत गाउदै र नाच्दै रमाईलो गर्दछन् ।