चन्द समूहका तीन कार्यकर्ता पक्राउ
बर्दिया — प्रहरीले नेत्रविक्रम चन्द समूहका तीन कार्यकर्ता पक्राउ गरेको छ । चन्द नेतृत्वको नेकपाका बर्दिया जिल्ला कमिटिका तीनजना सदस्यलाई पक्राउ गरेको हो ।
पक्राउ गरिएका बढैयाताल गाॅउपालिकाबाट दुई र बासगढी नगरपालिकाका एकजना रहेका छन् ।
पक्राउ पर्नेमा बढैयाताल—४ का खुमराज गिरी, सोही ठाउँका चन्द्रवीर विक र बाँसगढी—२ का चन्द्रलाल थारु रहेको प्रहरी नायब उपरीक्षक मदनजित महराले बताए ।
चन्द समूह प्रतिबन्ध भएयता जिल्लामा स्थानीय प्रहरी प्रशासनले चन्द समूहका गतिविधि नियन्त्रण गर्ने क्रममा २३ जनालाई पक्राउ गरिसकेको छ । ती मध्ये ११ जनाले हिरासतबाटै आत्मसमर्पण गरेको प्रहरीले जनाएको छ । पक्राउ परेका १२ जनाविरुद्ध मुद्दा चलिरहेको र चन्द समूहका जिल्ला सचिवालय सदस्य विष्णु परियार कारागार चलान भएका छन् ।
प्रकाशित : श्रावण ९, २०७६ ०९:२८