पाल्पा — पाल्पाको रामपुरमा बाटो खन्ने क्रममा खसेकाे पहिराेमा पुरिदाँ सोमबार एकजनाकाे मृत्यु भएकाे छ । बाँके जिल्ला बागेश्वरी गाउँपालिका–४ का ४३ वर्षीय भकबहादुर थापाको पुरिएर मृत्यु भएको इलाका प्रहरी कार्यालय रामपुरका प्रहरी प्रमुख भुपालसिंह रानाले जानकारी दिए ।
कालिगण्डकी करिडोर अन्तर्गत बाटो खन्ने क्रममा माथिबाट खसेको पहिरोले पुरिएर घाइते भएका थापाको उपचारका लागि रामपुर अस्पतालमा लैजाने क्रममा बाटोमा नै ज्यान गएको प्रहरीले जनाएको छ ।