दुर्घटनामा एकको मृत्यु, प्रदेश सांसदसहित १४ घाइते

दुर्घटनामा कारमा सवार दाङ क्षेत्र नं. ३ ख का प्रदेश सांसद उत्तरकुमार ओलीसहित १४ जना घाइते भएका छन् । गम्भीर घाइते ओलीलाई थप उपचारका लागि कोहलपुर लगिएको छ ।

हेलिकोप्टरबाट काठमाडौं लैजान खोजिए पनि खराब मौसमले सम्भव नभएको प्रहरीले जनाएको छ । अन्य घाइतेहरुको लमहीस्थित फ्लोरेन्स र लमही अस्पतालमा उपचार भइरहेको वडा प्रहरी कार्यालय लमहीका प्रमुख प्रहरी निरीक्षक अरुणकुमार सिंहले बताए । तुलसीपुरबाट बिरगञ्जतर्फ जाँदै गरेको ना ५ ख ५५२९ नं. को बस र लमहीबाट घोराहीतर्फ जाँदै गरेको बा १८ च ६८३६ नं. को कार ठोक्किँदा दुर्घटना भएको थियो । दुर्घटनाको कारणबरे अनुसन्धान भइरहेको सिंहले जानकारी दिए ।