२१.१२°C काठमाडौं
स्याङ्जा — चापाकोट नगरपालिका–१ बायोडाँडास्थित भित्री सडक खण्डमा भएको ट्र्याक्टर दुर्घटनामा चालकको मृत्यु भएको छ । आइतबार साँझ बारीकुनाबाट माटो लिएर चापाकोटतर्फ आउँदै गरेको लु४त २२१ नम्बरको ट्र्याक्टर अचानक सडकको भित्तामा गएर ठोक्किँदा दुर्घटना भएको प्रहरीले जनाएको छ ।
दुर्घटनामा ट्र्याक्टर चालक पाल्पाको रामपुर नगरपालिका–४ देवीस्थान घर भई हाल चापाकोट–१ बोटेटार बस्दै आएका २८ वर्षीय महेन्द्र दमाई घाइते भएका थिए ।
घाइते उनलाई उपचारका लागि चापाकोट अस्पताल लगिएकामा चिकित्सकले मृत घोषणा गरेको जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक उमेशलाल श्रेष्ठले जानकारी दिए ।
प्रकाशित : श्रावण २७, २०८१ २०:३३
