३०.१२°C काठमाडौं
नवलपुर — पूर्वी नवलपरासीको विनयी त्रिवेणीमा सवारी दुर्घटनामा परेर एक जना भारतीय नागरिकको मृत्यु भएको छ भने एक जना घाइते भएका छन् ।
विनयी त्रिवेणी गाउँपालिका वडा नम्बर-६ मा त्रिवेणीधामबाट भारततर्फ जाँदै गरेको यूपी ५६ ए ९२१२ नम्बरको मोटरसाइकल अनियन्त्रित भएर अम्चुर खोलामा खस्दा सो दुर्घटना भएको हो ।
दुर्घटनामा मोटरसाइकल चालक भारत महाराजगञ्ज जिल्ला निचलौलका ४० वर्षका प्रकाश भारतीको घटनास्थलमै मृत्यु भएको प्रहरीले जनाएको छ ।
मोटरसाइकलमा पछाडि सवार २८ वर्षीय अशोक राजभार घाइते भएका छन् । घाइतेको पृथ्वीचन्द्र जिल्ला सरकारी अस्पताल परासीमा उपचार भइरहेको छ।
प्रकाशित : श्रावण २१, २०८१ ०९:३५
