गैंडाकोटमा जिप दुर्घटना : १४ यात्रु घाइते

नवलपरासी पूर्व — पूर्व-पश्चिम राजमार्गअन्तर्गत नवलपरासी पूर्वको गैंडाकोटमा जिप दुर्घटना हुँदा १४ जना यात्रु घाइते भएका छन् । 

नारायणगढबाट बुटवलतर्फ आउँदै गरेको ना १ ज ८८३४ नम्बरको जिप अनियन्त्रित भएर दुर्घटनामा परेको प्रहरीले जनाएको छ ।

जिल्ला प्रहरी कार्यालय नवलपरासी पूर्वका डीएसपी बेद हादुर पौडेलका अनुसार घाइतेमध्ये ४ जनाको गैंडाकोट नगर अस्पतालमा उपचार भइरहेको छ । १० जना लाई थप उपचारका लागि भरतपुर अस्पताल पठाइएको छ ।