कान्तिपुर वेबसाईट
AdvertisementAdvertisement
२६.१२°C काठमाडौं
काठमाडौंमा वायुको गुणस्तर: १८१

नारायणी नदीमा डुबेर दाजुभाइको मृत्यु

नवीन पौडेल

पूर्वी नवलपरासी — पूर्वी नवलपरासीको गैंडाकोटमा नारायणी नदीमा डुबेर एकै परिवारका दुई जनाको मृत्यु भएको छ । गैंडाकोट नगरपालिका-७ का सुमन कुमालका ९ र १४ वर्षका छोराको डुबेर मृत्यु भएको हो ।

जिल्ला प्रहरी कार्यालय पूर्वी नवलपरासीका डीएसपी बेदबहादुर पौडेलका अनुसार मृत्यु हुनेमा १४ वर्षीय सविन कुमाल र ९ वर्षीय संगम कुमालको डुबेर मृत्यु भएको हो ।

डुबेका बालकलाई उपचारका लागि चितवन मेडिकल कलेजमा उपचारका लागि लगिएको थियो । अस्पतालमा चिकित्सकले बालकहरूलाई मृत घोषणा गरेको प्रहरीको भनाइ छ ।

साथीहरूसँग पौडी खेल्न गएका उनीहरू नारायणी नदीमा डुबेका हुन् । प्रहरी र स्थानीयले तत्कालै उद्धार गरे पनि बचाउन नसकिएको स्थानीयको भनाइ छ ।

प्रकाशित : आश्विन १, २०८० १७:०२
प्रतिक्रिया
पठाउनुहोस्
जनताको राय

सुदूरपश्चिममा नेकपा एकीकृत समाजवादी (एस) संघीय सत्ता गठबन्धनभन्दा फरक स्थानमा उभिनुको संकेत के हो ?