कास्कीमा मोटरसाइकल दुर्घटनामा परी एक जनाको मृत्यु
पोखरा — मध्यरातमा भएको मोटरसाइकल दुर्घटनामा एक किशोरको मृत्यु भएको छ । अर्का किशोर सख्त घाइते भएका छन् । कास्की प्रहरीका अनुसार मंगलबार बिहान १ बजेर १० मिनेटको समयमा भएको दुर्घटनामा काठमाडौं कपनका १८ वर्षीय सफल खतिवडाको मृत्यु भएको हो ।
तनहुँको म्याग्दे गाउँपालिका ४ थर्पुका १७ वर्षीय संगम बानियाँ घाइते छन् । बानियाँले मोटरसाइकल चलाएका थिए भने खतिवडा पछाडि बसेको प्रहरीले जनाएको छ ।
पोखरा–६ खहरेचोकस्थित हल्लनचोकबाट गैराको चौतारातर्फ जाँदै गरेको ग २४ प ३१० नम्बरको मोटरसाइकल अनियन्त्रित भई सडक छेउमा रहेको बिजुलीको पोलमा ठक्कर खाएको थियो ।
घटनालगत्तै दुवै जनालाई घाइते अवस्थामा उद्धार गरी सिर्जनाचोकस्थित मेट्रोसिटी अस्पताल पठाएकोमा खतिवडालाई चिकित्सकले मृत घोषणा गरेको कास्की प्रहरीका प्रवक्ता डीएसपी श्रवणकुमार विकले बताए ।
बानियाँको सोही अस्पतालमा उपचार भइरहेको छ ।
हल्लाले बझाङ मात्रै नभएर गृह प्रसाशनसम्म त्रास फैलाएको बुझिएको छ । हल्लाको बारेमा बुझ्नको लागि गृहमन्त्री नारायणकाजी श्रेष्ठले समेत बझाङ जिल्लाका प्रमुख जिल्ला अधिकारीलाई टेलिफोन गरेको जिल्ला प्रशासन कार्यालय सम्बद्ध स्रोतले जानकारी दिएको छ । यो विषयमा गृह मन्त्रालयका सचिव लगायत उच्च पदस्थहरुले समेत चासो राखेको श्रोतले बताए ।
