तनहुँमा बस दुर्घटना, २७ जना घाइते
तनहुँ — पृथ्वीराजमार्ग अन्तर्गत तनहुँको व्यास-५ सिर्दीमा सोमबार बिहान यात्रुबहाक बस दुघर्टना हुँदा २७ जना घाइते भएका छन् । काठमाडौंबाट पोखरा जाँदै गरेको ग १ ख ९६३५ नम्बरको बस अनियन्त्रित हुँदा दुर्घटना भएको प्रहरीले जनाएको छ ।
बस सडकबाट करिब ५० मिटर तल खसेको प्रहरी निरीक्षक राजकुमार विकले बताए । घाइतेमध्ये ९ जनालाई थप उपचारका लागि पोखरा रिफर गरिएको छ भने अन्य घाइतेको दमौली अस्पतालमा उपचार भइरहेको छ ।
प्रकाशित : जेष्ठ १, २०८० ११:५१