गोरखामा मोटरसाइकल दुर्घटनामा एक जनाको मृत्यु

हरिराम उप्रेती

गोरखा — मध्यपहाडी लोकमार्गअन्तर्गत भीमसेन थापा गाउँपालिका–१ निवेलमा मोटरसाइकल दुर्घटनामा परी एक जनाको मृत्यु भएको छ । 

बिहीबार राति ११ बजेतिर घ्याम्पेसालबाट निवेलतर्फ जाँदै गरेको भे ६ प ७४३ नम्बरको मोटरसाइकल अनियन्त्रित भई सडकबाट तल खसेको जिल्ला ट्राफिक प्रहरी कार्यालयका प्रमुख वेदनाथ भण्डारीले बताए ।

दुर्घटनामा सप्तरी कृष्ण सवरत गाउँपालिका घर भई हाल मध्यपहाडी लोकमार्गको सडक निर्माणको ठेक्का पाएका सूर्य कन्स्ट्रक्सनको एक्स्काभेटर चालक २३ वर्षीय लक्ष्मीकान्त चौधरीको मृत्यु भएको उनले जानकारी दिए । चौधरीको शव शुक्रबार पोस्टर्माटमका लागि गोरखा अस्पताल ल्याइएको छ ।

प्रकाशित : चैत्र १७, २०७९ ११:२१
प्रतिक्रिया
पठाउनुहोस्
जनताको राय

८ देशका लागि सिफारिस भएका राजदूतको नाम कस्तो लाग्यो ?

x