तनहुँ — स्ववियु निर्वाचन हुने जिल्लाका ५ वटा क्याम्पसमध्ये ३ वटा क्याम्पसमा मतदान जारी छ । २ वटा क्याम्पसमा भने निर्वाचन स्थगित भएको छ ।
भिमाद नगरपालिकास्थित जनज्योति क्याम्पस, आँबुखैरेनी क्याम्पस र शुक्लागण्डकी नगरपालिकास्थित सहिदकृष्ण क्याम्पसमा स्ववियु नेतृत्व छान्न मतदान हुँदैछ भने व्यास नगरपालिकास्थित आदिकवि भानुभक्त क्याम्पस र शुक्लागण्डकी नगरपालिकास्थित भानुभक्त बहुमुखी क्याम्पसमा भने निर्वाचन स्थगित भएको छ ।
आदिकवि क्याम्पसले गत शुक्रबार सूचना नै जारी गरी निर्वाचन स्थगित गरेको हो । भानुभक्त बहुमुखी क्याम्पसमा नेविसंघ र अखिल क्रान्तिकारीले तालाबन्दी गरेपछि निर्वाचन प्रक्रिया सुरु हुन सकेको छैन ।
निर्वाचन हुने क्याम्पसहरुमा अनेरास्ववियु र अखिल (क्रान्तिकारी) को गठबन्धन छ । अर्कोतर्फ नेविसंघ, माओवादी निकट अखिल क्रान्तिकारी लगायतको गठबन्धन छ ।
प्रकाशित : चैत्र ५, २०७९ १२:४१
